Message from Tolo Rarabeci

Proverbs 31:

29 - 31 – Era lewe vuqa na Yalewa era sai valavala vinaka, ia ko iko ko sa uasivi cake vei ira kece ga. A ka lasu na saweka ka sega ni yaga na mata vinaka ia na Yalewa sa rerevaki Jiova ena vakacaucautaki. Solia vei koya na vua ni ligana, ia me vakacaucautaki ko koya mai na matamata ni koro ena vuku ni nona cakacaka.

Nana, Taumada au tu ena vuku ni vuvale meu vakavinavinakataka na kalou e na nomu bula. E dua na tina Vinaka, dau Loloma, dau Loma Soli, dau Cakacaka, dau Gugumatua, dau Vosota, dau Yalo Vinaka ka dau Masu.

Na nomu Bula edau vei maroroi, dau veivakauqeti, ka dau I dusidusi ni toso. O dau vakarautaka mai na kakana me keimami dau kana kina ena veisiga, o ni dau ni vakasaqa, dau vakarautaka na neimami sulu me keimami daramaka , o ni dau ni culacula. O ni vakarautaka na ibe me keimami davo kina, o ni dau ni talitali, o ni dau vakarautaka nai coi me keimami kana kina, o ni dua ni siwa ka dau ni qoli. O ni dau ni ka kece ga e rawati kina na bula. O ni qaravi keitou na gone vata kei Tata, mai qaravi ira na luvei keimami, makubui keimami, kei ira na wati keimami. Ni dau qaravi ira talega na vulagi kei na dui kaikai keitou kauta mai vale.

E daidai keimami sana vakakila na lala ni veimaroroi ena masu. O dau masulaki keimami tu siga kei na bogi. Vinakavakalevu ena yadrayadra vaki ena masu.

Isa! sa na oti tale ga na "Please Call Me" dau veivakataqaya taki drau dau cakava tiko mai kei Dilo.

Au vakavinavinaka vei kemudou kece na tuakaqu kei na taciqu ena nomudou dau qaravi nana tu. Au via cavuta talega na noqu vakavinavinaka ena vanua e drodro mai kina na meitou wai ni sucu ena vanua ko Vusa Ratu. Vinakavakalevu nai yau talei ka susu mai ena dua na vanua sautu na Loloma. Vinaka vakalevu vei kemudou na Kuku, Nau, Nana, Momo mai Vanuavou kei Togaviti.

Au vakavinavainaka ena yavusa o Saqani ena nodra dau mai maroroi dokai voli na nodra bula na marama era vakatubu kawa ena nodatou vanua. Vakavinavinaka ena lotu, Turaga na I Talatala Qase, Vaktawa, Qase ni Koro, ena na nomuni vukea na nona tubu cake vakayalo o Nana.

Ena vukui Nana, keitou kere veivosoti ena vukena kevaka e tu na nona malumalu se vakamosia tu na yalomuni, keitou sa kerea na nomuni veivosoti kei na veisereki me gole o Nana ena vakacegu.

Vinakavakalevu na Loloma, na veisusu Nana, Moce mada me nomuni na Vakacegu ni Turaga.

Tolo Rarabeci Vakacautadra

8522 Willow Grove Way

Sacramento

Views: 186

Comment

You need to be a member of Matavuvale Network to add comments!

Join Matavuvale Network

Comment by Tevita Gukibau on October 28, 2013 at 10:00pm

THAT WAS A VERY POWERFUL TESTIMONY @ TRV,,,KE VAKAOQO NA NANA KECE ,,SA TUBU GA NA SAUTU NA MARAU KEI NA VINAKA,VERY TOUCHING INDEED,,GB ,,

Comment by Kilo Alpha Sierra Alpha MATAIRI on October 28, 2013 at 3:35pm

Vinaka Na levu....

FORUM

Decision Making-Why Is It So Hard To Decide? 7 Replies

Started by anamaria in World Issues. Last reply by Sione Jan 19.

PASTOR RAPERS... 11 Replies

Started by Anare Cama. in World Issues. Last reply by Ratu Jonetani Tavadroka Jan 3.

The Kaunitoni Expedition Myth

Started by jokerr in News Discussions Dec 18, 2017.

Veidigidigi e Viti e na yabaki 2018. 24 Replies

Started by viliame nabobo in World Issues. Last reply by viliame nabobo Dec 12, 2017.

MINING ROYALTY FAIR SHARING MODEL 3 Replies

Started by HON..DE..RAJ in World Issues. Last reply by Iliesa Oct 24, 2017.

Free one session online tutorial - Learn Fijian

Started by Aisea Raturaga in World Issues Oct 2, 2017.

Antichrist 37 Replies

Started by Ulaya Racua Saidora in World Issues. Last reply by Ulaya Racua Saidora Sep 26, 2017.

talanoa mai Ovalau ni Cyclone Winston

Started by Aisea Raturaga in World Issues Sep 22, 2017.

Veisureti ni vuli vosa vakaViti - Online

Started by Aisea Raturaga in World Issues Aug 22, 2017.

Britain Out Of European Union As Prophesied! 44 Replies

Started by Ulaya Racua Saidora in World Issues. Last reply by Ulaya Racua Saidora Jul 17, 2017.

© 2018   Created by Matavuvale Admins.   Powered by

Badges  |  Report an Issue  |  Terms of Service