Niu vakamuria na i vola era sa taba tu oqo,au raica ni levu sara era vinakati PQ me veivakavulici mai ena noda vosa vakaviti..sa dua na vakasama vinaka dina,,ia oya e yaga vakalevu cake vei ira na sega tu ni kila,,ia vei keda na sa kila tu me da veivakananumi me da maroroya ka wasea taumada e noda vuvale vei ira na luveda na noda vosa vakaviti,, oqo e dua na i talanoa dina,Au sa mai yabaki12 oqo e vavalagi, NZ,AUST,niu biuti viti mai e se ka lailai na luvequ ka i tatau nei noqu tata levu ko qasenivuli Mr Malakai Waqa vei au oqo,,E a kaya o okoya,,dou sa na lako qo i vavalagi koya da dau tukutukuna tu,,na kena vosa e vavalagi,,kakana e vavalagi ka kecega e vavalagi,,kevaka o drau vinakata me na kila tikoga na vosa vakaviti na luvemudrau,mo drau vakatabuya na vosa vakaviti e loma ni nomudou vale,,,kerei koya vakavinaka me matata. ena vakadonuya,ni sa curu ga e tautuba ni vale me ia na vosa vavalagi ena kena levu e rawata ,,ia ni sa yaco mai ki mata ni katuba e vale me sa na lili toka e tuba na vavalagi kece,sa vakaio ka sa neitou viti ga na loma ni vale oqo,ni sa toso cake na bula kei na vuli e vavalagi sa dau lutu cala mai eso na ka ni valagi ena so na gauna ,ia e dau totolo sara na nona vuki mai vei au baleta ni kila na cala e sa cakava, sa kila sara tu ga ni sa basuka na lawa ni vuvale keitou a sa veidinadinatitaka tu,,nikua e wilika vosataka vakavinaka sara tu ga na noda vosa,Kau sa dau dokadoka lo toka ni dau vosa vakaviti mai e valenilotu ena gauna edau lesi kina vua na i tavi ka ra vavalagi na kena vo,e vosataka na vosa nei tinana ka totoka na vosa vakabau,,au kurabui ni so era a muri mai vei keitou era sa guilecava na vosataka na vosa koula oqo na luvedra,,ia baleta ni ra vakanuinui tale ki koronivuli,,kei na so tale,se lecaika beka ,,se madua se sa soro ki na RIGHTS ni gone,,na rights levu duadua tarava na lotu na nomu i taukei mai VITI KEI NA KENA VOSA,na i wali duadua ga,,me lawa ni vuvale oya me tabu ni dua tale na vosa me vakaviti ga e vale,,Oqo ga na qavu ni IDENTITY VEI KEDA,,

  Meu tinia,e na yasana kadua,,e dua na gone au na sega ni cavuta na nona vanua,e tama ka tina i taukei ruarua ,,E rau lewe 2 na veitacini,,S a keimami waraki koya tiko me wasea mai na nona i tavi vosa vakarautaki mai na teveli mai cake ni keimami oso tu na kawa i taukei e valenilotu,,sa dede ,,sega ni vosa rawa ka sa cuva tu ga ,,oti sa tekivu drodro na wai ni matana ka sa tagi saraga na cauravou yabaki 25 oqo vakadede,,sa dede sa qai tauri koya vinaka sa qai kerea na neimami veivosoti vua ni mai tagi tu yani e cake,,sa qai kaya okoya ,aU SA MADUA SARAGA NIKUA,Na vu ni noqu tagi oqo e baleta na noqu maduataka noqu bula,E rau a vakaitavi eliu na noqu i caba ka rau vosa vakaviti mamaca vinaka saraga me vaka au rawa talega ni kila, dina ga niu sega ni vosataka rawa,  Au sa yabaki 25 kau sa mosita dina meu kila na vosa vakaviti me vaka ni rau kai viti ruarua na noqu i tubutubu,,AU NA SEGA VAKADUA NI VOSOTI RAU NA TAMAQU KEI NA TINAQU ENA I TOTOGI LEVU E RAU CAKAVA OQO VEI KEIRAU VAKAVEITACINI,,keimami sa mai veitagicaki kece yani ena i yaloyalo levu keimami sa mai sarava tu oqo.ka sa dua na lesoni levu ni ra tubu tiko na gone e sega ni ra tubu sobu,Au nuitaka ni na vakavu vakasama vei keda na i tubutubu na i talanoa e 2 oqo,,baleta ni ra sa na yacova na yabaki oya na luveda era na beitaki tata ga kei nana ni sega nia vakaukauwataka e loma ni nodrau vale na i vakavuvuli bibi oqo,,ka sa na taka ka drodro muria sobu na vo ni nomudrau kawa mai vei luvemu,,makubumu,ka tawa mudu,,me ra sega ni kila vakadua na vosa vakaviti dina ga ni tu na kedra tiki ni qele mai dela ni yavu,,,

 

    Sa dri yani ,,,loloma levu...TGukibau,,syd..

Views: 363

Discussion Forum

Paula Qereti ,,

Started by Tevita Gukibau Nov 4, 2013.

© 2019   Created by Matavuvale Admins.   Powered by

Badges  |  Report an Issue  |  Terms of Service