MATAISUVA
Rui domoni vei au
Na vadugu ni ua mai cakau
Sekavula na vuso ni biau
Mai matalau vei iko kei au.

Uasivi na kemu i rairai
Mataisuva e rogo ka kilai
Ko sili kina ko la’ki yabe mai
Bulabula dina na kemu i rairai.

Isa au diva!
Na biau siliva
Me daru mai sili kina
Waimakere dina
Me vaka na ka ko a diva
Veiniu baravi qai cagina
Na noqu tatadra sa qai dina

Vei sereki ni vuli
Mataisuva e dua nanumi
Biau lelevu sa kemu i divi
Vakasisisi e dela ni kisi.

Moce Mataisuva
Au na talevi iko take vakadua
Ke balavu na gauna ni bula
Mataisuva uasivi duadua.



REWA AU CIBI TU, E VUKUMUNI

Rewa au cibi tu, e vukumuni
Noqu a susugi mai vei kemuni
Vakacokonaki au ki na bula ‘qo
Noqu Bula dredre
Sa vukei au.

Dina e Vanua ca
Luvu wasoma
Au na dauvosota tu
Me’u colata ga
Vakacokotaki au
Ki na bula ‘qo
Noqu Buca dredre
Sa vukei au

Taki vei yaga tu
Na bula oqo
Na lewena e na gu era gu ki liu
Au na vakataka ga
Ni colata tu
Cibitaka ka doka
Na Buca oqo



LIWAVI AU NA TOKALAU

Liwavi au na tokalau, baravi kei Kadavu
Qera tu na maqo, e na dela ni veivatu
Maliwa ni siga ni sucu kei na tawase ni yabaki
Au lakova tu na baravi lomani.

Lutu sobu na karobo, cabolo mai na serevoli
Tou mai ia tou lako vakoro
Marau tawa yalani ko cei me tukuna
Oqori dina na yanuyanu mai na Sauca.

Maravu na wasawasa, sekavula na cakau
Era nunu na cauravou, ki vanua na kaba dawa
Marau ni yabaki, au mai donuya tu
Ko Kadavu na yanuyanu ni sautu.



MUDRE MAI NA CEVA

Mudre mai na Ceva
Mai na waitui bula
Tubu cake na ua ni Cakau
Mudre mai na Ceva
Vakacegu na yaloqu
Vakavuna na bula vei au.

Mai na Ceva, mai Kadavu
Ciri koto vakayawa mai wai.

Liwa mai, liwa mai
Cagi mai baba Ceva
Nabukelevu e votu yawa tu
Liwa yani na Ceva
Muaidule Latilevu
Noqu suesue au cegu


RATU NACAGILEVU

Sa i divi ni vanua ko Nacolase
Na vei turaga bale era liutaka
Nodra duigauna era dui colata
Rogo tu e dai na yacadra.

Au galala li mai na veiliutaki
Ni noqu vanua na Matanitu
Au galala li mai na noqu lotu
Sega ni’u galala mai vei ira.

Sa duri noda vale ni bose levu
Yacana sau na Ratu Nacagilevu
Na vono vanua me bosei kina
Ni kalougata tikoga.

Na soli keiViti era bau saini
E na koro ko Levuka seda kei Viti
Soli na Vanua sa kena madigi
Vei Vikatoria na Kuini

VAKARAUBUKA AU BIUTI SUVA

Vakaraubuka au biuti Suva
E luluvu na lomaqu au via butuka
Isa na bula ko cei me tukuna
Ni sa i Nukulau na koro ni kukuna
Isa au tagi ka’u vakananuma
E na noqu tu yawa ka via butuka.

Isa au tagi e na noqu nanumi Suva
Ni’u sa tu yawa au via butuka
Isa Kabani na matamu au nanuma
Nuitaka na noqu bula mo ni taura.

Turaki, Naiqaqi era dautukuna
De mani rawa beka na qalo yani ki Suva
Kua ni guileca ‘o na i ka dua
E na tegu domoni e daulutuka
Hili kei Draiba au qai daudiva
E na suka ni lotu me’u gole yani kina.

Isa na gauna au daunanuma
Mai Nukulau na nuku vulavula
Liwa ni cagi na tau ni uca
E vulici na i valu e na veiveigauna
Na yaci i Viti kemami nanuma
Ko ni wele voli na wekada mai Suva

Views: 1600

Replies to This Discussion

ke so tale na sere vavani tu vana bola qori... qai wasea mai
Vinaka vaka levu Yabakidrau, ena qaqa ni sere. Au sa na qai vacecega mada ena boto ni bola ke tu kina eso.
Vinaka Yabaki, na qaqani sere. Sa rawa na sili drigi bogi e dai!!! Valevu mai.
oe me wasei mai ko se maroroi tu qori vana file gonei..
Vinaka vakalevu Yabakidrau na qaqa ni sere..dua na gauna balavu noqu dau via kila tiko na qaqa ni sere REWA AU CIBI TU...sa wale na vatataro ,,warai ni dua e kila maleka sara me vaka koya qo.
Vinaka...dua tale tiko..ko na Tebara dau sili waca la..qai bau biu talega mai ke rawa.
sa donu savaira..au na qai vacarata mada na bola nei tukaqu..de dua na vanua vavaca tu kina na sere qori gonei

kemudou vata kei paula nawalu??
na watiqu ga gonei...o au au saini tu ga yani..vei ratou...sa yawa sara o kemuni, se tiko ga na bola nei tukamuni ??
io gonei..ko qo da sucu mai da yavu yani...na bola i tukaqu ena tuu ga...waraka sara tu me qima na vuravura ..lol..

anyway vinaka na vakamacalataki...ni qaqa tiko
Isa vinaka vakalevu Naita na qaqani sere qima qori.Niu vakawilika toka na sere ni siga ni sucu mai kadavu..........votu sarala na matavura.........kei na kena sasalu.............wili talega kina na vuata.......vakabibi na dawa.....!!!Me tau la mai qai laki voci e waitui....uuuu.........sa qi totoka cake ga na kena kamica....!!!!
ka dina taucoko naita...voci oti voci tale....haha
IE....NAITA........SA KUA SO...........QAIQAI.............LAUKANA TALE NA QANI DAWA......HAHAHA!!!!!!!
vinaka la naita na kena gusu ni kana dawa sa tiko qori...hahaha

jokes jokes

RSS

Discussion Forum

-=VUNIVALU KEI REWA ~ QUEST=- 554 Replies

Started by Kasanita Kamakorewa Lindell. Last reply by Sioneisi Tau Aug 11, 2014.

AI TUVATUVA NI VEI ROKO TUI DREKETI 55 Replies

Started by THUMBS UP. Last reply by Sioneisi Tau Jun 21, 2014.

SO NA I TABA KA DRAUNITAKA KO A.T.GATES ENA NODRA TIKO VOLI MAI REWA...(1845) 16 Replies

Started by THUMBS UP. Last reply by sailini maramatoga Jun 18, 2011.

Bula. 9 Replies

Started by Sivo. Last reply by Baravi Laydee Mar 18, 2011.

**Nukulau Island**~It was leased by Govt from the people of Vutia, in particular the mataqali (clan) of Naocodogo since Jan 01, 1892. 6 Replies

Started by Kasanita Kamakorewa Lindell. Last reply by Kasanita Kamakorewa Lindell Nov 28, 2010.

burebas na matanitu qaqa 3 Replies

Started by baleiwai. Last reply by Mosese Veremalua Sep 8, 2010.

SERE NI VANUA O BUREBASAGA KEI NA KENA SASAVU 16 Replies

Started by THUMBS UP. Last reply by THUMBS UP Oct 23, 2009.

Vei kemuni kece na gone ni Rewa tu e Ositerelia 13 Replies

Started by fijiboy. Last reply by ULAMILA SEVEIKAU Aug 13, 2009.

BOSE KO VITI 2009! 12 Replies

Started by half cast. Last reply by half cast Jul 27, 2009.

© 2019   Created by Matavuvale Admins.   Powered by

Badges  |  Report an Issue  |  Terms of Service