Isa na nodra yalo dina na i Talai ena gauna dredre óya!Era solia na nodra bula & na nodra matavuvale me i dewadewa ni ''Loloma levu ni Kalou'' ki Burenivudi kei na kena i sema ni veiwekani kece sara!
Era a qai ciqoma na Turaga na Roko Tui Dreketi sa bale!
Sa qai yaco me rarama ka maroroi ko Rewa kei na kena vanua veiwekani kece sara(Burebasaga) & Viti.
2009 na yabaki era sa bolea na Marama meda sa qarava kina na lotu i Jisu ka a ciqoma taumada mai Uluda!
Noqu Koro(Nadoria/Dreketi)ena qarava na Turaga na Ratu&na lewe ni Wasewase ó Verata!Keimami sa MARAU..!na lewe ni Koro!
Va'vei e keri gonei!O cei e mai cili ena Koro?

Views: 302

Replies to This Discussion

Bula vinaka Mataki,
Sa totoka dina na vakavakarau mai Vuniyavu,ka talanoa taka tiko o Mata Nadoria na vakavakarau,ka rau sa na mai sota na vanua yavutu ni rua na vanua turaga ena noda Viti.Eke e Lautoka sa totoka na nona veiliutaki tiko O Vakatawa mai Tomuka kei Vuniwai Rokosawa ena nodra soqoni vata tiko.

Keitou e Lomanikoro,e cili kina nai wasewase o Bau/Mata ni Qase Levu/Vale ni volavola kei ira mai vanua tani.Sa toso tale ga na vakavakarau ka da nuitaka tiko ni na kalougata na vanua o Rewa ena nodra na mai butuka nai Talai ni Kalou ena yabaki tu mai

Qai kalouagata tiko
Vinaka vakalevu Mataki!
Lomanikoro na nodatou Koro Turaga!Rogorogo vinaka dina!
Vinaka vakalevu!Vinaka vakalevu!Veivakayaloqaqataki na i talanoa ni vakavakarau!

Io,2009 sa nodra yabaki na Marama!
Sa dina Mataki,sa na kalougata na vanua o Rewa ena nodra veiliutaki na Marama.
Dou bula mai NZ! Vinaka vakalevu na kena dolavi mai na veitalanoa ena i ulutaga bibi oqo. Me kalougata tiko na noda vakavakarau ki na yabaki 2009!!
Aaaahhh................bula vinaka Moate! Io, bula vinaka! Keitou nuitaka ni da na sota bula kece yani ena noda soqo levu qori!
Nuitaki ni toso vinaka tiko na lai tara kuka,taga moci i Amerika me mai kedra i vaqa na lewe ni Bose!
Keitou sa loloma tu yani!
Io, du bula vinaka mai keri. Sa lesu tale mai qo ka marautaki sara na lai sota kei iratou na nodatou mai kea. Totoka sara na lai veitalanoa, vakauasivi tiko ena noda vakavakarau tiko ki na 2009. Ratou sa tu vakarau tu na nodatou gone mai kea me ratou na vukei kedatou mai ena dela ni yavu ena i tavi ni veiqaravi ena yabaki ka tu mai. Au lai rogoca na nodra veitokoni tiko na gone ni Burebasaga mai Merika ka sa veivakayaloqaqataki dina. Vinaka vakalevu sara na nomuni dau nanuma lesu tiko mai na noda vanua lomani qo ena loma ni tebara o kemuni na noda o ni sa lai tu ena veiyasai vuravura - warai na noda i vurevure ni lavo tudei ia, eda dau rawata no la na noda i tavi eda sa vakacolati kina ena duavata kei na veitokoni ena yaca ni nodatou vanua. Me noda vata tiko na Veivakalougatataki ni Noda Kalou ena noda vakavakarau tiko ki na Yabaki 2009!!!!
Vinaka vakalevu Maliwa, I saka, au vakabula saka yani vei kemuni noda. da vakavinavinaka vakalevu vua na Kalou ni ra sa mai bolea Marama na kena qaravi na Bose ko Viti ena loma ni noda yasana vakaturaga oqo o Rewa. Sa dodonu meda tarogi keda ne? se, na cava sara mada na noqu i tavi ena vuku ni noda vanua ka da susugu, tuberi ka vaka i sulutaki ena kena i tovo. Au sa vakamamasu vei kemuni na noda, na gone ni yasana vakaturaga o Rewa meda veitauri liga vata mada ka toso ki liu. Meu vakananumi keda mada.... Ni oti na cabe ni lotu na Lakeba... na i karua ni vanua e a ciqoma na lotu o ya na nodatou yasana vakaturaga saka oqoka. Sa dodonu meda cibi kina, ka da dolea lesu vua na KALOU LEVU oqo na noda vakavinakavinaka. Meu tinia me vaka au sa kainaka oti "MEDA KAKUA NI TAROGA SE CAVA SA CAKAVA OTI NA NODA VANUA VEI KEDA... ME TAROGA GA SE NA CAVA EDA RAWA NI DA KITAKA SE CAKAVA KI NA NODA VANUA.
Ni kalougata tiko na gone taucoko ni Yasana vakaturaga o Rewa......
Sa dri yani.....

J. Naivaluvou
Nabudrau
Noco

(Iraq, Papiloni)
Maliwa ......bula vinaka!! Kaaaaaa.....gonei, sa daba sa la ka ni dua na gone ni veidabibi sa lai tu qori ena dela ni qele nei Nepukanesa na Tui(eda dau rogoca tu la)!!

Na cava 'o lai cakava tu i keri?Qarauna de'o vukaci mai!! hahaha........ha!! O ira na tagane ni vanua 'qori era dau vibuturakiI!! hahaha.....!!

Vinaka na qaravi tavi.....waia!!
Sa dina Maliwa!!..........ena gauna dredre vakailavo ka donumaka qo na noda matanitu,eda sa na bolei na gone ni Rewa se rawa se warai ni rawa ni da veiqaravi ena bose 'qo?

''REWA AU CIBI TU''...............Io ena RAWA!!!

Maliwa!.........................maroroi na bula!!
Loloma levu!!!
Our Bose Ko Viti Rewa dot com website is up and running and will be updated by the appropriate parties. Please feel free to checkout the link below fyi.


http://www.bosekovitirewa.com/
E na vakayacori tiko ga na Bose ko Viti Rewa me vaka ga e a sa bosei qima tu, e sigai sara ni dua na kena visau!

E sa kerei saka tiko na noda veitokoni kei na veinanumi e na masu.

Me ra Kalougata tiko na noda Gone Marama Bale na RokoTuiDreketi.

Kalougata tiko na matanitu qaqa o Burebasaga kei na kena i sasavu.
Attachments:
Here are the rest of the official signed statements by the Gone Marama Bale na RokoTuiDreketi.

For your information.

God Bless!!
Attachments:
E donumaka tiko na noda Vanua kei na Ulu ni kena veiliutaki e dua na gauna butobuto e Rewa.
Sa dodonu meda kua ni yavalati se kuitaki vakarawarawa ena nodra vosabecitaki na noda Gone Marama na Roko Tui Dreketi ka tudei tu ga ena noda i tavi vaka lewe ni vanua.

Eda na sarava na curu vakaukauwa mai ni lawa kina veiwekani ni vanua ka sega ni ka vou oqo.Eda sa sarava oti ena nodra vagalalataki nai taukei ni qele me taura vakaukauwa na matanitu veiliutaki na qele kei na lewa me vaka na tara ni Olympic Village e Jaina.
Na nodra tokitaki vakaukauwa na kai Alaska ni sa kunei na waiwai ka curu vakaukauwa na matanitu.E RAICI VOTU NA LAWA KEI NA KA E RAWA NI VAKAYACORA ENA GUSU NI DAKAI KEI NA KAUKAUWA NI TANI.
E Rewa edai e curu vakaukauwa na lawa ka vakamalumalutaka na veiliutaki vakaturaga ka vaka vanua ena nona boletaka na nona kaukauwa vakalawa.

Sa dodonu meda tudei tikoga ena noda i tutu vakavanua vei ira na noda Turaga.Ke mani yaco sara na veivakalolomataki ka basuraki na veika vakavanua ia me da maroroya tikoga na noda i tovo se i tavi vei ira na noda Marama na Roko Tui Dreketi.

Ena warai ni rawa nida bula vakaikeda ga.Ke vakakina sa na basika na dui boletaki keda ka yaco sara ena koco i yalayala ni vanua(Civil War).Sa vakalou ka vakaveiwekanitaki tu na noda vanua kei na kena veiliutaki me semati keda vata tiko ena veigauna kecega.Sa koto na i Tutu Vakaturaga(Roko Tui Dreketi) ka vesukavata kece tu e dua na uma tamata era kilai tani ena i valavala ni vakarokoroko,veidokai,veilomani kei na veiwekani.E tu tani ga na nodra vosa ka kilai tani kina na vanua o Rewa.Era kania na kena kakana ka ra na yalodina tiko ena vuku ni nodra Turaga kei na Vanua.

Ke dua nai vakasala meu cavuta eke,oya ................ME KAKUA NI VEIVUKIYAKI NA NODA DINA VUA NA .....MARAMA NA ROKO TUI DREKETI.
KE RA MANI VAKAMALUMALUMUTAKI SE VAKAMADUALAKI....IA MEDA YALODINA TIKO KA ME OTI MADA KA ME DA NA QAI TARA CAKE TALE NA YAVU NI NODA VANUA KEI NA KENA VEILIUTAKI.

RSS

Discussion Forum

-=VUNIVALU KEI REWA ~ QUEST=- 554 Replies

Started by Kasanita Kamakorewa Lindell. Last reply by Sioneisi Tau Aug 11, 2014.

AI TUVATUVA NI VEI ROKO TUI DREKETI 55 Replies

Started by THUMBS UP. Last reply by Sioneisi Tau Jun 21, 2014.

SO NA I TABA KA DRAUNITAKA KO A.T.GATES ENA NODRA TIKO VOLI MAI REWA...(1845) 16 Replies

Started by THUMBS UP. Last reply by sailini maramatoga Jun 18, 2011.

Bula. 9 Replies

Started by Sivo. Last reply by Baravi Laydee Mar 18, 2011.

**Nukulau Island**~It was leased by Govt from the people of Vutia, in particular the mataqali (clan) of Naocodogo since Jan 01, 1892. 6 Replies

Started by Kasanita Kamakorewa Lindell. Last reply by Kasanita Kamakorewa Lindell Nov 28, 2010.

burebas na matanitu qaqa 3 Replies

Started by baleiwai. Last reply by Mosese Veremalua Sep 8, 2010.

SERE NI VANUA O BUREBASAGA KEI NA KENA SASAVU 16 Replies

Started by THUMBS UP. Last reply by THUMBS UP Oct 23, 2009.

Vei kemuni kece na gone ni Rewa tu e Ositerelia 13 Replies

Started by fijiboy. Last reply by ULAMILA SEVEIKAU Aug 13, 2009.

BOSE KO VITI 2009! 12 Replies

Started by half cast. Last reply by half cast Jul 27, 2009.

© 2019   Created by Matavuvale Admins.   Powered by

Badges  |  Report an Issue  |  Terms of Service