Ni bula vinaka na turaga kei na marama bale ni veivanua o ni lewena tiko nai soqosoqo qo na Matavuvale.E da wilika tiko e na news ka da sarava tale tiko ga e na TV se ratioiyaloyalo  na nodra sa vakavakarau tiko na vei party vaka politiki me ra sa campaign tiko me baleta na veidigidigi me sa na vakayacori tiko e na yabaki 2018.Taro rabaraba ya au via taroga yani se na party cava o ni sa nanuma me sa cicivaki Viti yani ni sana mai cava na veidigidigi.Ni solia mai na nomuni vakasama e na ulutaga qo.Sa dri yani.

Views: 1552

Reply to This

Replies to This Discussion

Vinaka vakalevu na nomuni soli vakasama Mr jokker.Levu na veika o ni vakaraitaka e dina taucoko.

Io dina taucoko na Mr jokerr.Me kua ga ni rau dau veicoqacoqa na lotu kei na matanitu me vaka au a wilika na news e na vula sa oti ni sa beitaki tiko na lotu au lewena tiko na methodist church of Fiji ni gusu ni vosa tiko ni party na SOLDELPHA.Ni commentaka tu mai na turaga paraminisita mai palimedi e sa vakarogorogocataka sara ga na lotu wesele.Kena i karua koya ni vola tiko mai qo na nanumi koya vakataki koya e ka dina taucoko.

dua ga na cau lekaleka..sa ratou kana colacola jiko qoka na FFP, esa levu na party era sa vaduria na kawa ITAUKEI rau sa na vau na SODELPA kei na NFP, o keda li eda sa na qai tu ivei..eda kaseta /ducia/vosa ca taki ira na kaidia ia o ira e rua ga nodra party,esa qai laurai levu tikoga mai na keda I roka dina na kawa ITAUKEI ena gauna nikua, sa sivia ga noda liumuri/ dau kakase / sivia na lasulasu  kei na kocokoco....

@ Wise Bogirua,

E dina beka na vakasama nei W. Bogirua meda lewe ga ni dua na Political Party. Ia, na yavu ni Veidigidigi e gadrevi ga kina na majority count. Oya beka ena gadrevi kina na Coalition me rawa ni topple-taki kina na FFP. Na FFP, e Multi-racial Party, qo na vu ni nodratou a qaqa ena Veidigidigi ni yabaki 2014. ( If the last Election was not rigged as suspected )

Kevaka e tu na gagadre meda ciri duadua ga vaka Party, eda na druka ga baleta ni sa lailai na keda iwiliwili na iTaukei.

Ena 20 vakacaca na yabaki sa oti, na 'Population difference' ni kawa iTaukei ea sivia tu na 50%. Edai sa ra toso cake mai na vei kawa tamata dui kaikai e Viti. Ia kevaka eda gadreva meda na tawase tale ena veidigidigi, eda sa na druka ga.

Eliu ea dau qaqa tu ga na Alliance Party baleta ni a wasei tu vaka- 3  na Party. Tiko na Fijian Alliance, tiko na Indian Alliance ka tiko o ira na General Voters ( Part-European/Fijian and other Ethnic Group members.)

Na yavu duadua walega eda a taqomaki tu mai kina, oya na kena a buli na Constitution makawa ni 1970 ka rokovi, qai taqomaki tu kina na veika mareqeti me baleta noda tutu vakaitaukei ni qele, na noda itovo vakavanua, na noda bula vakaitaukei, ( Indigenous rights ), Scholarship, na lewe ni Senate, etc etc. Ia, edai sa veiveisau vakalevu na Constitution kada sa vakila mai na noda sa dravudravua ka vakalolomai na kawa iTaukei.

Sa itini kecega ni noda leqa qo : (a) Na  nodra sa kocova kecega na iyau na 'Elites' ( Chiefs and our Rich corrupted Fijian leaders ), (b) Na vakayaco Coup ni Mataivalu, (c) Na Indian influence in Politics.

O keda na iTaukei eda sa qai vaka tu na luve ni yali dravudravua, eda sa biliraki, eda sa vakuwai, eda sa guilecavi, eda tarovi, eda sa vakatikolotaki, sa kau laivi na noda dodonu vakamataTamata ( Fijian Scholarship ) etc etc etc. 

Qo sa kena irairai ga ni vica ga na yabaki mai qo, eda sa na tiko vulagi tale ena vanua qo ko Viti, na Vanua eda a dau cibitaka tu me noda ena dua na gauna.

O ira na kawa tamata vulagi ( Indians ) ka ra a kau mai mera mai tei dovu ga, era sa mai veivukiyaka na lawa mera sa kovea tani kece na noda dodonu vaka- iTaukei dina ni noda vanua lomani o Viti.

Sa dodonu meda yadrava ka duavata ena kena taqomaki na noda vanua edai,  kei ira na noda kawa era se bera mai ena veitabagauna sa tu mai ki liu.

Sa dri yani!

Quotation : ' Fiji Islands belongs to the Indigenous people of Fiji who had passed, those who are still living today, and those who are still not born yet till the end of time. '

Ni Bula Vinaka.

Noqu nanuma ni Party ga e Rerevaka na KALOU ka Vakaliuca mena veiliutaki Viti.

@Tomasi Vakameau,

Donu vinaka sara ga qori tukana. Ia, era lewe lailai ga na lotu vakarisito, sa da lewe lailai tu mada na keda iwiliwili ni vanua, mena qai laki kau mai vei na iwiliwili me rawa kina na qaqa ena

veidigidigi? Mai nomudou?

o keitou sa dua tuga na neitou digidigi. Nanuma nai talanoa kei Josua enai volatabu ena nona solia na digidigi vei ira na Isireli. Dou digitaka e daidai o cei mo dou qarava, Joiva se nodra Kalou na vei matanitu tani, au kei na noqu mata vuvale keitou sana qaravi Jiova duadua ga. Keitou i Cakaudrove keitou na sega ni cuva ena nodra Kalou na kai matanitu tani. Digitaka na Party mena vakaliuca na Kalou levu ko Joiva. Ena oti kina na waluvu, cagi laba kei na ka eda sa vakatoka tiko qoka ni climate change. Nanuma na nodrau vei talanoa ko eparama kei na Kalou ko Jiova me baleta na koro ko sotoma kei komora.. ke lewe tini (10) na tamata vakabauta e tiko e keya ena vakabula na koro. 10 over millions of people e se rawa tikoga ni vakabula na vanua ko Jiova. O keda ga na lotu vakarisito meda kakua ni cakitaki Jisu tale tiko.

Ni bula na veiwekani.

Na noqu nanuma nisa gauna me veisau na veiliutaki e Viti.Sa balavu na veiliutaki ni Fiji First kasa dodonu me dua tale na veiliutakai vou me na vakavinakataka na veiliutaki nei Frank Bainimarama.

E levu na leqa eda raica matanavotu ena nona veiliutaki o Bainimarama.

1.Na nodra biu vakayauyau e valeniveivesu vakavetaravi na Turaga Vuli kara cakacaka ,vakaukauwa ena cala ka rau bulia ga kei Khaiyum na kena lawa.mera coko kina.Ka vakaloloma nira curu e valeniveivesu nai liuliu ni dua na matavuvale ena loma ni cala ka rau buliya ga na kena lawa..example,,Mosese Bulitavu...curu e valeniveivesu ena cala rau a bulia ga o Bai kei Kyai na kena lawa.

2.Nona biuti ira ga na wekana o Bainimarama mera taura nai tutu lelevu ni Matanitu,bau wili kina o Kevin Kean na tavalena ka dodonu me curu e valeniveivesu ena laba qai saumi tu ga ka biu lesu tale kinai tutu lelevu ni Matanitu (nepotism)

3.Nodra beci na Turaga ni Vanua,kalawaci ka sega ni rogo na domodra ena matanitu ena lawa rau bulia kei Khyum.

4.Na levu ni Dinau ni matanitu sa toso cake tikoga kei nai lavo ni Matanitu ka sega ni Vakaivolataki tu ka sega ni macala na vanua e vayagataki tu kina. (Milion e yali vacalaka tu ena Matanitu).Tarovi na Auditor General me kua ni cakava na nona vadidike ni ceuta mai e levu na leqa ena kena vayagataki nai lavo ni Matanitu.

5.O America mada e tabu ni dua me veiliutaki vaka Presidentme sivia na 8 na yabaki.

Na Fiji First sa 12 na yabaki na nona veiliutaki,sa kena gauna me vacegu o Bainimarama ka me solia mera vailiutaka eso na Turaga ,Marama vuli kara na veiliutaki vakasavasava,

6.Na noda sotia kei na Ovisa mera dui qarava na nodra i tavi ka kua soti na vakarerevaki vei ira na lewe ni vanua.Na vakarerevaki me laki caka yani ki Golan Heights,ka kua ni caka tiko na veivakarerei vei ira na noda lewe ni vanua e Viti.

Oya na noqu rai ga.

VOTE SODELPA FOR A NEW AND BETTER FIJI

Ni sa bula na kemuni na veiwekani dua ga noqu cau lai2 ena ulutaga qoka. Na gauna e sa laurai na tatawase2 nai Taukei ,keina sega ni veivakabauti, ka laurai na malu2mu. Era lasika cake mai na mataqali  duikai2, ka vakabi2 oira na qoka na wekada na Idia, totolo sara nira veicakayaka, nio qoka sa, nodra matanikatuba mera veiliutaki, kara vakayaco lomadra kina, keina vakatulewa, kara sa wawa vakadedetaka tu mai ena dua na gauna balavu. era na tovolea ka vakatekivu mera tomana, kara sega ni solia na galala vei keda naiTaukei, vakavo sara ga keda veiliutaki tale.

Ia kevaka ke mani yaco na veivakanananu kei nui2 me veisau kara veiliutaki tale(meda tukuna mada) 
ke mani yaco tale me tauri tale na veiliutaki ,ka sega ni namaki( mera veiliutaki tale na wekada na Idia).
Ia meda caka2taka sara na qele, bisinisi kaqarai na toso ki liu, veitauriliga, duavata, veilomani lesuva tale na veika eda kilai kina, ka veisautaka na noda rai, da dui vakaduri bisinisi lalai, ka vakabibi ena qele veikemuni nai taukei na vaqele lelevu( loan mai na Baqe)susu manu2( Dairy Farms, Goat Farm, Chichen Farm ect. (kua ni rerevaki na loan) da yalomatua, maroroi nai yau ka meda dei ka kaukauwa tiko, veitalia sara kera mani veiliutaki tiko nida butuka tiko na noda qele ka caka2taka meda bula vailavo ka salavata ena gauna vou edai, kua na wele. qoka e vaka tiko na rua na timi ni qito okoya ga e vakarauvinaka ka muria na veika kece sara merawa kina na qaqa.Vinaka saka.

Ni bula vinaka Ratu JT, na veika ni tukuni tiko mai qori e kadina taucoko saraga, o keda eda na qai rawa ni veiliutaki tale kevaka era na cakacaka vakadodonu, cakacaka vakaidina,kau laivi na yalo kocokoco, ka mera lotu vakai dina o ira na noda turaga bale kei na marama bale, o ira na dau ni polotiki kei ira na noda qase ni lotu. dua nai vosavosa ya " kevaka ena vuvu se duka tiko nai vurevure ni wai" ena duka se vuvu kece na veibasoga ni wai.Edua na taro levu me da taroga na kawa I taukei se a lusi tu mada vaka cava na NBF / Cautata Bus Company / Noco Bus Company / Yatu Lau Bus Company / Bulou ni Ceva, qori e vica walega na kabana ni taukei eda sega sara tu ga ni kila se a lusi tu vaka cava,e sega vakadua ni dua e tobo se me vaqaqai na kena a lusi se me butakoci na kena ilavo, ya gona na cakacaka vaka butobuto/lawaki/butabutako au via tukuna tiko. sa kena levu

Na wekaqu Waisake Bogidrau ka dina kece qori, Dua ga na ka au nanuma ni vakavurea mai na veimataqali gagadre keina veivala2 buto2 kece odrau cauraka toka mai, sai koya na nanumi koya ga vakataki koya (selfishness) vakavurea mai na yalo koco2 ect.

Na i lavo e vaka me nodrai yau na vulagi ka sega nida okata tu me ka tudei veikeda, na nodai yau tudei, (qele, tabua,ibe,masi,manu2 ect.) oya dua nai vakaraitaki levu sega kina ka bibi sara veikeda, dua nai wili2 levu toka veikeda nai Taukei ( ni vosota ).Ka sa rawa2 kina na kena cawadru laivi na kalougata (bisinisi ena bula vailavo ect.) e ligada ka da lesu tale kina dravu2a kei na cumuwaqara, buno, lomaoca2taka na noda bula matavuvale, koro ect.

Au vakabauta ni sa tu rawa na kilaka( era vuli vinaka e vuqa na wekada (Taukei) sa voga meda miovca ka buita laivi sara vakatudua ka bokoci vakadua na veitovo eda dau vakayacora ka cauraki tika mai cake

Meda wilika na caka2 (work)qaravi bisinisi, bula vakailavo ect, qarava vakavinaka solia na noda maqosa, ka vakaroko2taka ena yalo marau keina vakanui2 nida na rawata na bula torocake vakailavo, ka vakavurea mai na tiko sautu keina marau,.Qoka sa tiki tiko ni noda qarava na Kalou (Lotu) Work is worship na veika eda cakava me vakaroko2taki ga kina na Kalou. Kevaka eda gadreva meda tauvata nai vakatagede2 keiira na wekada na "Idia"  ira tale na so ,vakarabailevu taka na noda rai. 

Sa dodonu ka sava2 meda cuqena ka marautaka na nodra sa tekivu yacova ka rawata e lewe levu nai Taukei na bula vakailavo,bisinisi e vinakati me lewe levu tale mai na Taukei tu mai toso ki liu da mai cuqena vata na toso vata keina gauna vou, caka2taki na noda dui tiki ni qele,vakatorocaki taki ,Bisinisi, meda tovolea na "Loan"maroroi sara vakayalomatua  eda na toso liu ka qaqa, qoka e baleti ira tiko ga na noda kawa. Meda yalo veinanumi dina, lomani ira na wekada vakabibi meda (sacrifice) solia na noda bula keina gu, ka bulia cake nabula vakailavo(yau) baleti ira tiko ga na noda kawai Taukei. Biu laivi vakatiki2 sara ka guilecavi vakadua na nanumi koya vakataki koya ga.Vinaka saka vakalevu.

Ni Bula tale Ratu JT, e matata vinaka saraga na veika o ni wasea tiko mai qori, au via vaka rua taka ga na ka e vakaraitaka toka o Jokerr, na kadina saraga esa yaco tu ena noda vanua ena gauna saraga nikua

 

Sa itini kecega ni noda leqa qo : (a) Na  nodra sa kocova kecega na iyau na 'Elites' ( Chiefs and our Rich corrupted Fijian leaders ), (b) Na vakayaco Coup ni Mataivalu, (c) Na Indian influence in Politics.

 

O keda na iTaukei eda sa qai vaka tu na luve ni yali dravudravua, eda sa biliraki, eda sa vakuwai, eda sa guilecavi, eda tarovi, eda sa vakatikolotaki, sa kau laivi na noda dodonu vakamataTamata ( Fijian Scholarship ) etc etc etc.

 

Na ka e mosi vakalevu vei au, ni o ira saraga na Elite Chiefs and rich corrupted ITAUKEI leaders koya ra vaka na ulu sobu taka noda Vanua mai na 1987 sa ra baci babasika tale mai qoka, qai kena I kuri o ira na noda bavulu sega ni vulica rawa edua na ka, era muri ira voli toka, da kakua sara ni da kurabui se cudru se yalolevu niratou na qaqa tale na FFP.

RSS

FORUM

Who Is This Beast Mentioned In Revelation 13:18? - 666! 252 Replies

Started by UDDY in Spirit and Self. Last reply by Ulaya Racua Saidora Jul 2.

Jesus Did Not Rise From The Dead On Sunday 150 Replies

Started by Ulaya Racua Saidora in News Discussions. Last reply by Ulaya Racua Saidora Jun 21.

World War III 2 Replies

Started by Ulaya Racua Saidora in World Issues. Last reply by Ulaya Racua Saidora Jun 21.

Veidigidigi e Viti e na yabaki 2018. 27 Replies

Started by viliame nabobo in World Issues. Last reply by Tawake Jun 19.

Will Iran Succeed in Syria?

Started by Ulaya Racua Saidora in World Issues May 14.

How Can Fiji Sevens Team Improve its performance against the two Giant South Africa and Enland. 16 Replies

Started by Tomasi Vakameau in Sports. Last reply by Tomasi Vakameau Apr 30.

What Exactly Is Grace According To The Bible? 100 Replies

Started by Ulaya Racua Saidora in World Issues. Last reply by Ulaya Racua Saidora Apr 28.

MINING ROYALTY FAIR SHARING MODEL 4 Replies

Started by HON..DE..RAJ in World Issues. Last reply by Tevita Bolekinaivalu Masi Mar 24.

Antichrist 39 Replies

Started by Ulaya Racua Saidora in World Issues. Last reply by Ulaya Racua Saidora Mar 20.

Decision Making-Why Is It So Hard To Decide? 7 Replies

Started by anamaria in World Issues. Last reply by Sione Jan 19.

© 2018   Created by Matavuvale Admins.   Powered by

Badges  |  Report an Issue  |  Terms of Service