“O JISU NAI SAU NI NOMU VAKATATARO”

05 MAJI MONITI 2012

SIGA 65 MAI NA 366

“O JISU NAI SAU NI NOMU VAKATATARO”

MACIU 8:7

Okoya ga sa kauta vua na noda malumalumu, ka colata na noda mate

 

NIV TRANSLATION:

  “He took up our infirmities and bore our diseases.”[a]

 

MESSAGE:

That evening a lot of demon-afflicted people were brought to him. He relieved the inwardly tormented. He cured the bodily ill. He fulfilled Isaiah's well-known sermon:

   He took our illnesses, He carried our diseases

 

AMPLIFIED:

And thus He fulfilled what was spoken by the prophet Isaiah, He Himself took [[a]in order to carry away] our weaknesses and infirmities and bore [b]away our diseases.

 

Masu:

Turaga vinaka vakalevu sara nai sau ni noqu vakatataro …..emeni

 

VAKASAMA VAKAYALO:

Erau sota o Jisu kei na dua na turaga ni valu, ka lako mai vei koya ni gadreva me laki vakabula na nona tamata e tauvi paralasi ka davo tiko mai nona vale

 

E tukuni ni rau veitalanoa oti, tukuna o Jis vei koya, au na lako yani kina nomu vale meu laki vakabulai koya, qai vosa na turaga ni valu qo ka kaya; Turaga, sega ni yaga mo lako sara mai kina noqu vale, ni cavuta ga na vosa, ena bula na noqu tamata

 

Tukuna vua o Jisu, mo lako ga, ena bula na nomu tamata me vaka na ka ko sa vakabauta

 

Lako mai o Jisu ena vale nei Pita, tauvi katakata tiko na vugona, taura na ligana o Jisu, tukuni ni oti vakasauri na katakata, duri cake na marama qo ka qaravi iratou

 

E va qo nai vola tabu, me donu kina na veika e parofisaitaka o Aisea na parofita; Okoya ga sa kauta vua na noda malumalumu, ka colata na noda mate

 

Nai naki ni nona mai mate, me rawa ni da vakabulai kina na tamata

 

E tukuna nai  vola tabu, Nai sau ni valavala ca na mate, e kauta vua na noda I valavala ca, me rawa ni da vakabulai kina na kai vuravura

 

Na loloma dina ka yaco kina na cabo bula

 

E levu beka na gauna eda na vakatataro tu na tamata me baleta na nomu bula, e lomani iko beka na Kalou se sega, au via tukuna vei iko ni kua, e kauta vua na nomu malumalumu, ka colata na nomu mate

 

Kakua ni dau vakatara na nomu vakasama, me beitaki iko ena so na ka o vakayacora tu kina nomu bula, na mateni, na dauyalewa, lasa I tuba, kakase, veibeitaki vakailasu

 

Na malumalumu taucoko qori, sa kauta vua na gone turaga o Jisu Karisito, na mate e dodonu meda mate kina na tamata, sa colata kina okoya na nona kauveilatai me rawa vei iko kei au me daru bula

 

Ena sauma vakavinaka saran a nomu taro na Kalou

 

Au vakavinavinaka vakalevu vua na Kalou, ni rawa ni lomani au, ka maroroya tu main a noqu bula ena dua na gauna balavu, dina ni levu na gauna  e yaco kina na malumalumu, sega ni via kauwaitaka o Jisu, e waraka ga me ciqomi au ena gauna au gadrevi koya kina

 

Ena rawa ni o kaya, au sa sega ni rawa niu lako tani mai na vanua au sa tiko kina qo, au tukuna vei iko, ni rawa, kakua ni rogoca na domo ni nomu vakasama, me tukana vei iko, ni o iko tamata I valavaa ca, na Kalou ena sega ni rogoci iko

 

Qori na cakacaka ni tevoro, me valuta na noda vakasama, me qai tukuna vei keda, ni Kalou ena sega ni rogoci iko

E vakamatatataki koya tiko vei keda nai vola tabu; Okoya ga sa kauta vua na noda malumalumu, ka colata na noda mate

 

Na nomudou daumateni, na nomu dauyalewa, na nomu daulasa I tuba, se cava tale nai valavala ni bula o kila tiko qori, sa kauta kece vua na gone turaga o Jisu Karisito

 

O iko tamata sereki, o sa tamata vakabulai, o sa galala, na veika ga mo cakava, ciqoma me nomu na vosa ni Kalou, tukuna vua, turaga vinaka sara vakalevu na nomuni kauta vei kemuni na noqu malumalumu kecega, ka colata na noqu mate

 

Tukuna vei keda na Aisea 53, Ni sa vakamavoataki ena vuku ni noda talaidredre, sa qaqi ena vuku ni noda caka cala, sa tau vua na cudruvi sa vu ni noda veivinakati tale, io na we ni kena kuita, eda sa vakabulai kina

 

Sega tale ni dua na ka e vo, me rawa ni da ulubale kina na tamata, sa cakava kece o Jisu na cakacakataki ni nomu bula, sa sauma kece na dinau, sa mate oti ena vanua e dodonu mo mate kina, sa sosomitaki keda

 

E levu na gauna eda na vakatataro tu beka na tamata, au via kaya vei iko, sa sauma kece na gone turaga o Jisu na nomu vakatataro me baleta na nomu bula

 

He Himself took [[a]in order to carry away] our weaknesses and infirmities and bore [b]away our diseases.

Kevaka o tauvimate tiko, vosa kina tauvimate qori, tukuna vua, ni sega ni dua na dodonu e tu vua me mai vakatauvimatetaki iko, baleta sa sauma kece o Jisu ena 2,000 na yabaki sa oti

 

Au dau tukuni yalo taka tiko, ni gauna e tauvimate tiko kina na luvequ gone yalewa qase, e tukuni vua me san a sele, baleta ni leqa tiko na non auto, au tukuna vua na nona vuniwai ena gauna sa kau mai kina vei au na pepa meu sainitaka me baleta na nona sele, kakua ni seleti koya, e tarogi au okoya me baleta na cava, au tukuna vua niu sana sega ni sainitaka na pepa ni nona sele

 

Au tukuna vua na vuniwai qo, na vanua ena cava kina na nomu kila, ena tekivu I keri na noqu Kalou, e vakaraici au okoya, ka tukuna kevaka ena sega ni sele na gone qo, ena sega ni yacova na yabaki 18

 

Ni kua na luvequ qo, sa yabaki 28, sa vakawati, ka cakacaka tiko

 

Au via bolea na nomu bula ni kua, kevaka e tukuni mai vale ni bula sa sega ni rawa, e tukuna vei keda nai vola tabu; He took our illnesses, He carried our diseases

 

Vakadeitaki iko ni kua, kakua ni yalo lailai, vakabauta na Kalou, raviti koya, ena sotava okoya na nomu malumalumu kecega ka colata na nomu mate

 

Noqu masu ni na vakalougatataki keda na Kalou ena vuku ni nona vosa ………emeni