Matavuvale Network

Fiji's Family Network

“NA VEIVAKACEGUI NI GAGADRE ENA BULA NI VAKAWATI ”

29 OKOSITA VUKELULU 2012

SIGA 240 MAI NA 366

“NA VEIVAKACEGUI NI GAGADRE ENA BULA NI VAKAWATI ”

SEXUAL INTIMACY

V/VAKAIBALEBALE 5:19
Mevaka na Teira dauloloma ko koya, kei na me yalewa kila sa mata vinaka; MO MAMAU GA ENA SUCUNA ENA VEIGAUNA KECEGA.

NIV TRANSLATION:
A loving doe, a graceful deer--may her breasts satisfy you always, may you ever be captivated by her love.

GOD’S WORD:
A loving doe and a graceful deer. Always let her breasts satisfy you. Always be intoxicated with her love.

DOUAY RHEIMS:
Let her be thy dearest hind, and most agreeable fawn: let her breasts inebriate thee at all times; he thou delighted continually with her love.

YOUNG LITERAL TRANS:
A hind of loves, and a roe of grace! Let her loves satisfy thee at all times, In her love magnify thyself continually.

Masu:
Turaga ni vakararamataka nai tovo ni noqu rai meu raica rawa na veika dina e tu ena nomuni vosa …..emeni

VAKASAMA VAKAYALO:
Taumada au gadreva meda dolava na noda vakasama, meda raica sara vakatitobu na bibi ni noda veivakacegui ena gagadre, au kaya tiko vei keda enai ulutaga qo ka, ni sega ni noda I tovo nai taukei mai Viti me dau veitalanoataki, me vaka na rarama ni dina ni vosa ni Kalou, keina rarama ni kila ka vakavulici, ena rairai yaga meda na nunuva na veiyamotu dromu ni bula vakawati, ka veitalanoa, veiwasei ka veivukei ena so na tikina bibi ni noda bula

Na kena tovolei me caka na vuli ni bula vakawati, sega ni ka bibi era a buli kina na marama mera I yaya ga ni veiyacovi vei keda na turaga, era a buli na marama ena dua nai naki cecere ka tukuna nai vola tabu:

Vakatekivu 2:18
A sa kaya na Kalou ko Jiova, sa sega ni yaga me tiko duadua na tamata, au na bulia e dua na dauveivuke e yaga vua …………

Eda raica eke, nai naki levu duadua a buli kina na marama, me dua nai vukevuke yaga

E tolu nai ulutaga e tiko ena vakasama qo me vaka na:

Veitokani – Companionship
Procreation – Vakatubu kawa
Sexual Intimacy - Veivakacegui ena gagadre

Au na gadreva meda vedovi ka veiwasei enai ulutaga na Sexualy Intimacy, meda yalo vinaka, meda kakua ni vakayagataka nai ulutaga qo me sala ni noda veileti, me vakayagataki na vakasama savasava meda veilaveti cake kina, ka veivakatatataki cake me rawa kina na tubu cake vaka yalo, ka vakauasivi me sereki eso nai vesu lelevu ni noda bula

Au tukuna tiko mai cake, ni dua toka nai ulutaga dredre me dau sereki, baleta ni da vesuki toka ga ena vakasama vaka viti, ni basika mai nai ulutaga qo me veitalanoataki, e vaka me sokanu na yagoda, ka vaka me vutivuti ni veitalanoataki, ka so era nanuma ni sega ni ka Vakalou meda mai veitalanoa taka, eso era nanuma, cava beka na vuna me kau mai kina

Au dau veisiko sara vakalevu mai Viti, kau qarava talega e levu sara na veiwatini e kavoro na nodra vuvale, au cakava e dua na vakadidike, kau yaco sara ena tabana ni Social Welfare, au taura mai kina, ni leqa levu e tiko, sai koya na kena sega ni qarauni na kena vakacegui na gagadre

Au kila ni da sa veitalanoa tiko mai ena dua nai ulutaga, Meda kakua ni tarova na veiyacovi ena loma ni bai ni bula vakawati

Ni kua au gadreva meda na veiwasei enai ulutaga qo: Sexual Intimacy - Veivakacegui ena gagadre

Taumada, tadola mai me rawa ni da veivukei, tovolea mo wasea mai na veika e tu ena nomu bula, baleta ena rawa ni vakabula edua vei keda e leqa tiko na nona matavuvale

E duidui na leqa, e yacovi keda tu na bula ni vakawati, ena rawa ni da na veiwalitaka, io eso era leqa dina tu, ka ra gadreva mera vukei, sega beka ni rawa ni ra na taroga baleta beka e nanuma ni na veiwalitaki, io au vakabauta mai na boto ni utoqu ni rawa meda na veisereki ena dina ni ulutaga qo

Eso vei keda na turaga, e malumalumu dina tu na yagona vakaturaga, so vei keda sa sega beka ni rawa ni veiyacovi ni vakaleqai tale tu eso nai tuvaki ni yagodra vakatagane

E rarama sara na vosa ni Kalou, o keda ga eda butobuto tiko na tamata, eso na vosa e sega ni vakayagataki rawa vei keda, baleta ni tabu ena noda bula vakaitaukei

Au gadreva meu tukuna e vica na vosa eke, me rawa ni rarama sara kina nai tovo ni noda rai, ni levu na vosa e vakayagataka nai vola tabu, e dredre meda veitalanoa kina me vaka na:

Vunau ni soro 21:20
Se sa dakupusi, se na leka, se ca e dua na matana, se sa bu ca, se vaka nana, se ceke …….

Vunau ni soro 22:4
….. Kei koya sa tara na ka sa sega ni savasava ena vuku ni mate, se na tamata sa yau loa na nona wai ni tagane ……

Verse 24
Dou kakua ni vakacabora vei Jiova na ka sa qaqi na qalana, se vorolaki, se ramusu, se sa sele …..

Eda raica eke, ni rarama sara na vosa ni Kalou, e dodonu meda tadola mai, veitalanoa mai, me rawa ni da sereki

Au gadreva meda na veiwase toka ena V/vakaibalebale 5:12 - 19

V/vakaibalebale 5:12
Ulei niu a cata na veivakavulici, ka beca nai vunau na lomaqu, kau sa sega talega ni vakarogoca na domodra era a vakavulici au, ia vei ira era a vakavulici au, kau a bese ni vakalakala na daligaqu, sa vo e lailai meu cakava na ka ca kecega!!!!

Kakua ni beca ni dua e wasea vei iko e dua na dina, yalo vinaka, ciqoma baleta ena rawa ni vukei iko ena dua na gauna

(Verse 15)
E tukuna tiko o Solomoni, mo gunu wai main a nomui keli wai, …….au vakabauta ni levu tu nai keli wai, io edua ga na mata ni wai e dodonu meda na gunu tiko mai kina na tamata vakawati, na mata ni wai oya, okoya ga e tiko mai vale, e dodonu me vakacegui iko tiko ena veigauna e yaco mai na karamaca ni veiyacovi

(Verse 16)
Me sa dui dave voli yani na nomui vurevure, kei na veiuciwai ena saqata ni koro … sega ni rawa nira na gunu taucoko tiko na koro ena nomui keli wai, e vakaibalebaletaka tiko na vuku o Solomoni, sega ni rawa ni ran a gunu talega na koro ena nomui keli ni wai, na mata ni wai qori e dodonu mo vakacegu duadua ga kina o iko ka sega ni nodra talega na vulagi

Vesre 17
Me nomu duaduaga, ka sega ni nomudou vata kei ira na kai tani …….

E vakamatatataki tiko eke, ni mata ni wai o taukena tiko qori, e dodonu me drau veivakacegui tikoga kina kei na watimu, ka sega ni ka ni koro, okoya qori me vakamamautaki ga kina o na watimu ni vakamau …. Emeni

Verse 18
Me kalougata na nomui vurevure ……..

Eda raica eke, ni vakalougatataka na Kalou nai vurevure, se na vanua ni noda veivakacegui, na veivakacegui ni gagadre, edua na ka e vakalougatataka na Kalou, e tiko ikea na bula, na veimositi, na veivolekati, na veilomani, e dua nai solisoli e solia na Kalou, sega ni dua na ka meda nanuma tug a na tamata me dua ga na tiki ni noda bula, au vakabauta ni totoka na vakasama cecere qo, ni dua na tiki ni noda bula kamikamica na tamata qo

Verse 19
Mevaka na Teira dauloloma ko koya, kei na me yalewa kila sa mata vinaka; MO MAMAU GA ENA SUCUNA ENA VEIGAUNA KECEGA.

A hind of loves, and a roe of grace! Let her loves satisfy thee at all times, In her love magnify thyself continually.

Tovolea mada meda rai lesu enai tekitekivu ni veitalanoa ena I matai ni gauna ni sota, sa dua dina na ka kamikamica, eda sega ni via kila na balavu ni gauna eda lako tu kina, sa laki kida na mataka sa ca tale vei iko, o sa vinakata me buto tug a na vuravura, baleta sa kamikamica tikoga mai vei iko na nomudrau tiko vata

Au raica ni tadola sara main a vakasama qo, ka basika talega e levu na vakasama momona, cecere, totoka ka vinaka

Era vakasama dina kece, eso era vakayagataka na Viagra, se era vakayagataka na warusi, kau vakabauta eso era kila tale tu eso na kena veimataqali me vukei kina eso vei keda, io eda sa veikilai toka ga vakaveiwatini

Niu vosa tiko ena vakasama qo, e levu era nanuma beka ni sega ni Va-kalou, ka butobuto beka vei ira ni veitalanoataki, au vakabauta ena rarama ni vosa ni Kalou, e dodonu talega me vakararamataki kina nai tovo ni noda rai

Same 119:130
Ni sa vakamacalataki na nomuni vosa sa qai rarama mai, sa vakavukui kina ko ira sa sega ni vuku …..

Au vakabauta ni dua na gaunisala ni nona veivakararamataki na Kalou, sai koya meda sereka na nona vosa, me rawa ni caudre mai kina na kena rarama, me cinava na noda bula, ka vakararamataka na gaunisala

Ni da tiko ena vakasama qo, ena gadrevi kina meda tadola saraga yani

Na veivakacegui ena gagadre e dua na ka e dodonu meda veitalanoataka vakaveiwatini, baleta e duidui tu na veika e rawa ni vakayacori me sotavi kina na veivakacegui

Vei keda na turaga edua e vakaraitaka toka mai ena noda veitalanoa ena forum, ni sa dodonu talega me vakalailaitaki mada eso na soqo ni vakailawalawa, me da veinanumi, eso na gauna ni davo tu mai vale o vuni marama, sa gagadre toka, qai yali tu beka o tolotolo, sega tiko ni da kila ni sa tekivu me mavoa ka kakana vakamalua tiko e dua na leqa

Meda qai lesu tu ga yani sa mataka tu na vanua, o sa sega tu ni vinaka na nomu bula, o laki veicakayaka ga yani me cegu na lomamu, o mai dalasai tu yani, o vakacegu o iko, kakua ni guilecava na kemui sa talega ena gadreva me vakacegu

Nida lesu mai enai teitei ni sa wawale tu main a yago, qai lako vata tu mai ena walokai, na kakana ga e takoso e matamu, qori na kakana kana vinaka duadua, baleta e sotavi iko ena gauna sara ga o gadreva tu kina

Ni gauna ena sega ni vakacegui kina vakavinaka na karamaca ni bula ni veiyacovi, nai matai ga ni dua e takoso, lutu mai edua na vosa ni veisamei, sa cawadru sara ikea o vuni marama, se o vuni turaga, sega ni gadreva okoya me vakayacora, baleta ga ni o sa sega ni vakacegui koya rawa tiko, san a vakasaqaqara tale okoya e tautuba

Ena mataqali vata talega vei keda na marama, kevaka ena sega ni vakacegui vakavinaka tiko o kemui sa, qarauna vakavinaka, de qai vakasaqara tale I tuba

Au sega ni vakatusa seu vakabulabulataka tiko me rawa ni vakayacori na lasa I tuba, au kaya tiko ga ni bibi na noda raica meda veivakacegui tiko ena lomani bai ni vakawati

E tukuna tiko o Solomoni; Mo mamau ena sucuna ena veigauna kecega ….. na vosa qo ena ganiti keda ruarua na veiwatini, e dodonu mena mamau o vuni marama, ka dodonu talega me mamau o vuni turaga

Na vosa qo na mamau, kenai balebale ni o sa sotavi sara vakavinaka, se sa rauti iko, o sa marautaka, se o sa vakataucokotaki kina, se o sa bula levu

Vei keda na turaga, dau lekaleka ga na noda tiko vata sa oti vei keda, o ira na marama edua balavu toka vakalailai me qai ra vakacegu, drau sa kila tikoga na veika e dodonu me caka me rawa kina na vakacegu

E dua tale na tikina bibi, gauna eda sa vakamakubuni mai kina, sa dau gadreva o Pu me sa laki davo vata tikoga kei ira na makubuna, me sa qai veiqiqiyaki tug a vakaveitalia o Tua, kemuni!!!, o Tua talega e via katakata

Nai talanoa kei Tevita na tui, e tukuna nai vola tabu, gauna sa qase mai kina okoya, sa yabaki vuqa sara, sa qai laki kau mai edua na marama me dau mai luvaiwale, me rau dau moce vata tu kei koya na tui qo, baleta me rawa ni vakatakatari koya tu, nona I tavi ga okoya me dau mokota tu na tui qo me rawa ni katakata vinaka tu ga na yagona

Sa sega ni rawa ni veiyacovi o Tevita, baleta ni sa qase sara, sa gadreva toka ga okoya na katakata

Okoya gona vei kemuni na marama, dau nanumi talega o Tua, veitalia ga ke sa sega ni dua na ka e rawata, e dodonu me dau mokoti tu me rawa ni katakata tiko vakavinaka

Drau tovolea mo drau veivakacegu ena kena cecere duadua ga drau rawata, veitalia kevaka eda sa qase mai

Mai Viti e dredre saraga meda veisautaka e so na ka ena noda bula vakaitaukei

Ni gauna e oti kina na vakamau, mo sa rawata ma na watimu, sa oti saraga I kea na bula ni vakasavasava, sa sega ni qarauni nai sulusulu, sa sega na bula savasava, sa tekivu meda vakadukaduka mai

Ni dua na marama me qai boro damudamu toka mai na tebe ni gusuna, eda sa veikaruvi ka kureitaki liga na kena vo, merau qai veitauliga tiko li, uuuuuuuuuwwwwwiiiiii, era na kaya tale na kena vo, qori raici rau ……..

Drau kakua ni via kauwaitaka na nodra vosa na tamata, drau cakava ga na veika e vinaka vei kemudrau, baleta o ira era vosa tiko mai ya, era na sega ni vukea na nomudrau vuvale ni sa leqa mai, o ira vata qori era na vosa tale ni gauna e yaco kina edua na ka vei kemudrau

Dua na cauravou via leqa toka vakalailai na nona vakasama, qai sa via vakawati tiko, tukuna vua o iratou na nodratou vale, o iko mo sa kakua ni vakawati, baleta ni o iko mada ga o qaravi tu, o laki kauta tale mai edua qori mei kuri ni colacola ga vei kedatou

Vakalailai sa qai vosa cake mai na cauravou qo qai kaya; Ueeeeeeeee koi au talega au via peke!!!

Ena rawa ni da veiwalitaka, io edua ga na ka dina eda mai veitalanoa tiko kina qo, sega ni wasea okoya, na vinaka ni vakasama se leqa ni vakasama, eda gadreva kecega na peke se na vakacegui ni gagadre

Au vakavinavinakataka e dua na tacida ni vakasala tiko vei keda sa qase cake, 50 se 60 me qarauni na kena vakayagataki na Viagra, eso era tukuna na warusi e kaukauwa cake, io drau tauri kemudrau ga vakamalua

Sa rairai kena dodonu ga vei keda, me sa musu sobu eso na ka eda dau vakaogai keda tu kina, vakalevutaki na bula mai vale

Era dau tukuna na dauniveqaravi vua na tui mai Toga, ni sa bula ga na vale ni kuro, sa bula na vuvale taucoko, okoya gona vei keda na turaga, ni sa mamau ka marau tikoga o radini, sa marau taucoko tiko na matavuvale oya

Sa 28 taucoko na yabaki ni neirau veiwatini, au tukuna vei radini, sega mada niu kila se dua na marama ena tautauvata tale kei iko se sega, ena yalo dina, ena loloma, ena veikauwaitaki

Ni vakamacala o Solomoni, e matata vei koya nai tuvaki kei watina, e tukuna okoya; a sucumu ruarua sa vaka e rua na me kila lalai erau drua, erau kana voli ena maliwa ni viavia, kau na lako yani kina ulu ni vanua ni mura, kei na ulunivanua ni drega boi vinaka, ka yacova na kena kida na mataka, ka seavu yani na malamalawa, ko sa matavinaka sara sa sega na tikimu e ca

E seretaka okoya nai tuvaki kei watina, e matata mai cake ka yaco sara ki ra, sega tale ni dua na ka e vo, erau veikilai, erau veimositi, erau veivolekati, erau veilomani

Vakacava vei keda na veiwatini, vakacegui tiko beka vakavinaka na gagadre mai vale, sa kena gauna me vakalesui lesu mai kina na kamikamica ni nodrau veivokekati vakaveiwatini, drau veitalanoataka, drau veiwasei, io me yavutaki ena loloma kei na dina

Drau laki vakayakavi ena dua na vale ni kana, taubale tale tu mada ena ena dela ni veinuku, era cau kece main a kena rawati na vakacegu

Erau lako mai vei au edua na qase mai viti, tukuna okoya, talatala, sa 7 na luvequ, au sa vakamakubuni, veigauna taucoko au dau gadreva kina me keirau dau tiko vata kei na watiqu, e sega sara ga ni rawa, okoya kevaka sa vinakata tiko edua na ka vei au, niu sega ni solia vei koya, sa sega talega ni rawa na vakacegu

Ni dua na nodratou soqo ni family, qori sa vakaveitaliataki koya ga mai vei au, baleta tiko gona me rawa ni na caka na veika e gadreva

Au vosa vua na marama o ya, kau tukuna vua, na yagomu vakamarama, e sega ni kenai naki me gaunisala ni nona totogi o kemui sa, ni gauna sa gadreva kina na watimu me vakayagataki iko, kakua tale ni wawa, drau sasaga yani kina dua na vanua me rawa ni laki vakacegui kina okoya

Sa veiwalitaka vei au na qase qo, tukuna okoya, au sa tukuna vei kequ I sa, o iko mo sa caka soqo tu ga, tukuna vei iratou na nomudou family me tou soqo ga ena veisiga

Meda kakua tale ni da vakadredretaka tiko, sa dodonu me caka na veivakacegui, me drau mamau sara kina vakavinaka

Sa tu saka na vakanuinui, ni na veivuke na Kalou ena vakasama qo, me vinaka na bula ni matavuvale, ka dua talega na veiwatini mamarau, ni na veireguci na loloma, ka veidregati na yalo

Moni kalougata ka qaqa saka tiko ……. emeni

Views: 9475

Reply to This

Replies to This Discussion

io kadina sa la na o ni wasea toka qoka e cake @ Jokerr - e levu na gauna e tu kina na 'couldn't care less' attitude na vanua ga e na tini kina ya...

Na tagane e na tagane tikoga....ena so na gauna, o Tagane saraga e hunt!!!! e sega ni veisureti na yalewa - o tagane saraga e sa can't take NO for an answer....ia e tagane vakawati tiko. E dodonu beka li me maroroi koya ga vua na watina???

Edua na veiwatini e valenikuro rua tiko o Tagane....ni sa tarogi o yalewa ka rau lasa tiko kei vakamau se na cava e cakava tiko kina nai vakarau ya baleta ni ratou veiwekani kece tikoga. Qai sauma o yalewa ka lasa tiko ni o Tagane vakamau e kaya vua ni o watina e sega ni kila tu na i walewale ni tiko vata e vinakata o tagane....

au vakabauta ni qo e dua na ka e dodonu me rau veiwasei taka vakaveiwatini - rau veivakavulici kina, me maroroi ga na nodrau bula ni vakawati se va cava?? E vakaloloma kina o kenai ka sa ni lai gusu kabasu tu va ya o koya sara ga ka dodonu me veimaroroi - ya na noqu rai ga....se cava na nomuni vakasama???

totally agree Jokerr.......it does add spice to your lovemaking so to speak...and takes it to another level....vinaka na veiwasei.

@Reapi,

Sega sister, e ulubale loki2 e laki wasea tiko o rab*ci qori vei nona LT.

O ira na yalewa era sega ni 'sex object', se iwase ni yaqona, se  'sleeping pill' etc. Eso na gauna era via cegu talega na yalewa ni'ra tamata talega.

Meda dau veinanumi, veimaroroi, veikawaitaki ka veidokai na tagane ena bula ka yavutaki ena dela ni loloma. Meda veivakamenemeni ka rokova na noda itutu vakatamata.

Na yalewa e  bulia na Kalou ka duidui na kaukauwa e soli e yagodra. Vuqa na gauna era sa sega ni taqeya rawa na veivakabobulataki e cakava tiko o tagane ni sa cikeva tikoga ena veibogi na tikovata. Sega sega , qo na veivakabobulataki dina ! 

E levu vei keda e sega ni dau vakasamataka na bibi ni kena tara na noda bula yadudua na revurevu ni vakarau ni bula ni LT.


Vakasama dina e vakaraitaka tiko na ganequ o Reapi (@RNK)..... na kena laurai tu ni vaka me sega tu ni dua na leqa ena loma ni so na matavuvale, ia, e vunitaki matua tu ga na leqa e tiko - not that it is anybody's business, but as discussed before, situations like that is just like a time-bomb waiting to explode!


Na cava beka e dau vakavuna na LT .....? E dua e sa wasea tiko qori o RNK, e cake.


E levu sara na vuna eda na rawa ni vakasamataka. Qo ga e vica au nanuma me'u bau wasea de na rawa ni vukea eso vei keda .....


1. Na veisiovi


Au a sa wasea oti e liu, ia me'u cavuta tale, vei keda na sa vakawati meda gutuva na bula ni vakailawalawa eda dau kitaka tu eliu kei ira na noda i caba vakacauravou kei na goneyalewa. Ena gauna ni vakailawalawa vaya, e dau totolo ka rawarawa sara meda dau veiwedevi toka ka da dau rawa ni basuka sara kina vakatotolo eso na "unwritten rules" ni veimaliwai (opposite sex) se veirokorokovi vakaikeda. E rawarawa - because we are "unattached" - we do whatever tickles our fancy - qai ia tale tiko mai na kena vabukabukani - so na gauna e dau voleka tale ni yaco na veiyacovi ena gauna ni veiqitori eda dau cakava.


E sega ni'u kaya meda sa tagutuva na noda veikilai kei ira, ia meda maroroi keda ga mai kina even if it was only for the sake of our better half. Nida sa vakarawarawataki keda tiko ena bula vaya, e vakaraitaka tiko e vica na ka :


1. Ni da se sega ni vakabibitaka na vakawati eda sa cakava.
2. Eda se yalowaitaka tiko na noda responsibility vakamatavuvale
3. E leqa tiko na bula mai vale (vakaveiwatini)
4. Na dokadoka ni bula


Vei keda na turaga, ena gauna ni cauravou... ni da sota vaqo, ena must basika ga mai na veitalanoataki ni yalewa. Ke qai dua tale na goneyalewa me takoso vaqo e gaunisala, na levu ni vosa ni wede e muri koya, e viavia sega tale ni kila o goneyalewa se me cavuta vakacava na yavana me kua ni tacaqe ena dua na se ni co. Ia nida mix vata kece tu, so na gauna lako tu eso na veisikinalataki eratou fail tale na yamata vuni i Voreqe. Na draki ni bula vaya e kamikamica tu vei keda, ka vuqa, ni ra sa mai vakawati, e dau dredre sara mera biuta na bula oya


Na bula ni veisiosiotaki, (opposite sex) e rawa ni dau trigger taka vakalevu talega eso nai vakasaribariba e tu vei keda ka da sega tu ni kila. Na gauna e trigger taki kina, e vou vei keda ka so na gauna, out of curiosity (and maybe the excitement it creates), we keep our finger on the button and play along until it is too late.


Kevaka eda sega ni qarauna, na ca ga e tiko vei keda, ena vecei keda tiko me yacova ni sa rawati keda. Marriage is ordained by God, and the devil knows that and will chip away bit by bit at that bond you have forged with your better half in the presence of God and/or family and friends, until he weakens it and breaks it.


.... me na qai kuri tale ....

E dua talega na vuna au nanuma ni dau yaco kina na LT, me’u tomana ga kina na veivosaki qo …..

2. Lailai na dina.

E dua na ka e dau vakasakiti kina na noda bula ni veilomani na veiwatini oya na noda vakamareqeta  na noda veidinadinati vakaveiwatini. The way we conduct ourselves and the way we display our affection for one another. We have the confidence of our better half, and they have our confidence.

Eda sa biuta mai na veimaliwai kei na vakailala eda a dau vakayacora tu ka sa tekivu meda mai okati keda ena dua nai lawalawa vou – vakamata veiwatini. Eso nai soqosoqo lotu e dau tiko e dua na group ka dau vakatokai na “Young Married Couples”. Qo me rawa ni ra dau veiwasei kina “vakaitaba vata” eso na veiwatini vou, se veiwatini gone ka me ra maroroi talega mai na bula ni veitemaki e rawa ni tubu mai ni ra tiko maliwani ira na cauravou kei na goneyalewa.

Kila, ena so na gauna eda dau tovolea meda dau maroroya na noda veiwekani se “friendship” vata kei ira na lewe ni soqosoqo eda mai lewena vakabibi ni kevaka e rua na turaga (se marama) ka rau dau veivolekati sara mai na bula ni cauravou kei na goneyalewa, mai yaco na vakawati, soqosoqo lotu vata, cuqena vata na cakacaka ni lotu – and become very close family friends.

Yaco e dua na gauna, biubiu vakalekaleka o vunituraga (se o marama) ena dua beka nai lesilesi vakacakacaka se gade I “overseas”. Era vakaraitaka na vo ni nodrau I lawalawa na nodra dau veinanumi vei ratou na tiko mai, ena veisiko kei na fellowship e dau yaco. Nona yali tu o vunituraga, e vaka me dau tubu mai vei ira eso tale na turaga enai lawalawa oya na vakasama mera taura tu vakawawa na responsibilities I koya se lako tu. To cut a long story short, laki tini tale na “fix” o vuni turaga ena dua na gauna ni veisiko.

Ia, ko vunimarama, ena nona sega ni vinakata me vakacacani na veiwekani vata kei na matavuvale e veisiko tiko, e mani sega ni via vakaraitaka vei watina (ka lako tu) na veika e yaco tiko. E mai take advantagetaka tiko o la ka fix tiko na situation oya.

Na mataqali gauna vaqo, au vakabauta ni tiko saraga e ligai vunimarama na dina kei na kaukauwa ni kena yaco na LT se sega. E sa na tu na nona nanuma na nodrau veiwekani o watina kei “Suguraki”, na nodrau veiwekani vata kei wati Suguraki, na cava era na kaya na tamata kevaka ena kilai na veika e vakayacora tiko o Suguraki, ka vakabibi na nodrau veiwekani sara mada ga kei watina.

Na situation vaqo e dau test taki saraga kina na noda veidinadinati kei na noda veikilai vakaveiwatini, na veivosa ni veivakamenemenei eda dau vakayacora, na veikilai yalo kei na kaukauwa ni veilomani eda tara cake mai ena veiyabaki sa oti, na yalomatua kei na dei ni vakasama, ka vakabibi na Dina e dui tu vei keda.

  

Nai tini ga ni vakasama qo au nanuma, oya o vunimarama me vakaraitaka vakadodonu vei watina ka lako tu na veika e yaco tiko. E levu na situation vaqo, e dau yaco dina saraga kina na veilasami. Family friends se …… , o ko na gone me kila na veika e yaco tiko, me maroroi kina na bula ni nodrau matavuvale. Ke tiko dina na noda veidinadinati kei na noda veimaroroi vakaveiwatini, ena sega ni dua na ka ena vunitaki ena keda maliwa. Our trust and faith in each other will remain true and unshakeable. Our confidence in each other will not be weakened. Our love for each other will grow stronger.

On the other hand, kevaka ena lewa cala o vunimarama me bibi vei koya me maroroya na veikilai se friendship between families over her loyalty to her husband by keeping quiet about what her husbands “close mate” was doing, I believe she would be just delaying the inevitable destruction of that relationship with her husband. Ena qai matata mai kina ni “lailai tikoga na dina” e tiko vei vunimarama.

We should be under no illusion because there are people around us “prowling like a roaring lion, seeking and waiting for an opportune time like this to pounce on those (vulnerable) whom it may devour”. These prowlers can only be thwarted - kevaka e sinai tu vei keda na DINA.

Levu vei keimami e matasarasara ena vakamacala warumisa, titobu, vei vakavulici matata ka vei vakayadrati e viko tu ena ulutaga totoka qo ka vakatekivuna mai na wekada ko Jone Nacanieli.

 

Kaya mada ke vakasoqoni vata kece mai na nomuni dui vakamacala, au nanuma sa na rawa ni buli kina dua na qaqa ni meke vakaciriloloma se dua na drama R18+ totoka ..ia, na kena qai matanataki na meke se dramataki sa qai noda kei ira na noda daulomani!

 

Vica ga na veika totolo ni berani qai mau na qaqa ni meke kei na drama.

 

1. So vei keda na turaga e dau taqayataka na i levu se balavu ni noda i solisoli vaka mareqeti na tagane. Ka ni rarawa ni sa qai siova na vuravura ni bisinisi na vakasama qoka ka vukica me dua ma “myth”. Sa laki yaco sara me levu vei keda na turaga sa laki vakatitiqataka se a taucoko li na nona veibuli na Kalou vei keda yadudua se sega. Vaka vo walega ke vakaleqai ena dauvimate e dau ena yasana oya, eda rawa ni vakadeitaka ni sega vakadua ni veibuli vakavo na Kalou! Dau tukuna e dua na qase ni gau..Dau,dakai balavu se dakai leka..rau sicini vataga!O koya beka ga e taura tu nai “yaragi” me marautaka ka nuitaka ka kila na kena vakavakayagataki!

 

 

2. So vei keda sa da matau tu na mata ni meke mai vuravura ni bera ni da mai vakatabui ka yalayala ena mata i Talatala ka da musuki keda vei ira na watida. Ia, so na i vovo ni mata n imeke mai tuba sa kau tiko ga mai loma ni vakawati. Sa vanua savasava na davodavo ni vakawati. Eda sa ciqoma ni sa “tripartite relationship” beka…se sa mai tiko na Kalou ena teveli ni kana ka vaka kina e na vei rumu kece sara ni vale. (Meu se talanoa mada vakaleleka, dua na Turaga momoqaqa ni Naitasiri a mani vakawatitaka e dua na gone Marama totoka ni Gau..rau susu tu ga ena lotu ka sega so ni dau takanoataki vakalevu na ulutaga qoka..na i matai ni bogi ena gauna ni “honeymoon” ena dua na Otela beka mai yasayasa vaka ..rau sa gole mai me rau sa laki davo ena davodavo ni vakawati, ni ra ukutaka vianaka, vakasenikau ka vesuka tu na i boi ni sasauni o ira na kena dau ena Otela…ia, sa matata tu ni rau sa vakarau vakayagataki nai solisoli cecere ni vakawati..ia warai ni kilai se me tekivu vakacava na mata ni meke…totolo sara na vakasama nei la na qase ni Naitasiri..”ka kece ga daru dau caka, veitalanoa ena talevoni, se bera ni daru kana ena gauna ni “date” daru dau masu, au kerea me dua mada na nodaru masu ni bera ni daru qai davo ena davodavo ni vakawati..livaliva sara na vakasama ka tukuna cake mai ena domo memela ka gasagasa na Marama ni Gau “au kerea la me dua rawa na nodaru sere”..sega ni bera ni sa laga cake mai o vuni Marama na sere rogo ni Sunday school…”something good is going to happen”..lalata na taba ni Otela rau tiko kina na domo ni sere ka mai memela yani baleta ni rau sa nanamaki ruarura ki na “something good”!...de “revival service”) Ia, eda na dredre beka ena nodrau vakasama vuka na noqu Marama kei na Turaga tauvu..ia, eda sa rawa ni vuli mai kina ni sa matata vei rau ni ka totoka, savasava ka vaka mareqeti na tiko vata vakaveiwatini ka sa marautaki tiko ena mata loloma ni Kalou, ni sa Kalou “Omnipresence” ka, “Omniscient” talega…sega ni dua na ka sa vuni rawa e matana. Ia, ke sa raica tiko na Kalou na noda tiko vata ena davodavo, sa na rairai qarauni tale ga me sa i madrali savasava na yagoda vua.

 

 

.(au kerea me dua tale mada na talanoa- 1983-84 beka..a vunau mai na National Station, Suva e dua na dau vunau rogo mai Niusiladi “ Dr. Bill Subrinscky” ka vakadewa e dua na Talatala rogo ni lotu Penitiko mai noda ka ulutaga sara tikoga na ulutaga va qo kei na savasava ni Kalou..taladrodro tiko na vakadewa me yacova ni sa ….Dr Bill.."those who engage in these sexual acts should repent immediately and sexual addiction be broken, in Jesus name (rawarawa na vakadewa nei Talatala) Dr Bill.. ”adultery..(veibutakoci kei na veimoceri ena daudaku ni vakawati) those who use the back passage for sex"( kei na ……kei na ka talega oya) …cunnilingus & fellatio (…kei na kena talega oya)…are door ways for the enemy to enter our lives?"......uh..via va toka oya na mala ni vosa ni vunau ka via tatacaqe na vakadewa ni sa toso ki na loqi tabu…lol... Dina ena levu na kena vakamacala ena veivola da wilika se mai vei ira na noda dui talatala….ia me da yalomatua taka sara ka masulaka me vosa yadudua kina vei keda na Kalou..me kua ga ni da bobula ki na garogaro ca kei na vakasama tawa savasava…ka me kua talega ni vesuki keda ka mai yalani keda mai na marautaki ni bula vakawati.

 

Ia, vei ira na weka dawai…ke sa katakata ga mai na gagadre ni yago…ia, sa vakasaqarai sara e dua mo drau vakamau ka drau wasea vata na gasagasa ni bula vakawati…

 

Levu tu na talonoa tu qo ka..ia, meu sa biuti kemuni ka kakua ni vakalusia na nomuni gauna mo ni na rawa ni lai so Kalou (act of worship) ni marautaka na i solisoli Vinaka ni vakawati sa nakita na Tamada….”something good is going to happen”..again!...ia, vinaka me da na dau masu rawa?

   Totoka Na i-Talatala Jone na veiwasei tiko ena ulutaga vinaka qo,

   Au tovolea me'u dikeva vakavoleka na nomuni ulutaga mai na so na 'issues'  au nanuma e tara koto noda bula ena veisiga. Qo Talatala au kerea moni vakadodonutaki au mai kina ke duidui na nodaru vakasama ena veika eso koni sa tuvana oti.

   Eso na taro au  na via biuta raraba ga yani me vaka na ;

   Sexual intercourse before marriage - Ques: What is the right age to become sexually active ? Do we have to wait for marriage to be able to have sex ?

   Eso na research e laurai ni noda gagadre ni tiko vata na tamata e tekivu mai na 14 -18 yrs of age.

   Eda na vakadinadinataka ni da sa veiyacovi oti tiko mai ni bera nida vakadeitaka me sa tekivutaki noda bula vakawati.

   E dua tiko na factor levu ni decision meda sa vakawati , ' Oya ena kamikamica sara ga ni noda veivakacegui vaka 'lovers' taumada.' This is outrightly immoral in the eyes of the church but it's human nature.

   Fact is, for thousands of years even before the Founding of Religion , Companionship has been there, Procreation has been there and so as Sexual Intimacy.

    Io, ni sa mai vakalawataka na Lotu na tiko vata se veiyacovi ,  noqu taro qo;

             Q.     What do we do when our biological body is crying for sexual intercourse when the need is there ? Do we have to wait for marriage ? Or do we go ahead and get married inorder to enjoy sexual intimacy with the opp sex ?

    Eso na vakawati e iulubale ga ni gagadre sivia ni tiko vata. Qo ena tautauvata me vaka na gunu meleni. Eda tauyavu ena veidomoni kaukauwa ka warumisa, sega ni dede sa dradraluka mai.

    Na tikina sara ga qo au nanuma ni vakavuna na LT, e dua vei ira na leqa levu e datou veiwasei tiko kina e na nomuni column qo.

 ........Me na qai kuri tale yani ....

 

 

Totoka Joker..taro vinaka...great question from the angle of perspection of the world and everyday living... here in this discussion brother we are discussing Sexual Intimacy within the perimetres of "Marriage" which is a Godly Ordained Institution''..E sega ni mai vakalawataka Na Lotu  , E i tuvatuva saraga mai Vua Na Kalou,mai na i Vakatekivu,ni da` veivosaki tiko mai na lomani bai Ni i Vola Tabu...Na Lotu..kei Na Kalou e rau duidui...Na Lotu e bulia ga na tamata....Na Kalou e Savasava..e sa dau tu ga Na Nodra Laini,kei Na I Vakaro,me da rawa ni marautaka kina na bula kamikamica ka vakaibalebale na bula vakawati ka a nakita taumada na Kalou,

Levu na vuli,levu na veimataqali research,e na vuravura ni veimataqali i vakamacala e da bula donumaka oqo,ke o cauravou se goneyalewa sa vakatekivu tiko mo gagano e via veiyacovi,vakawati rai tale tiko e tautuba,Na Kalou e sa tu ga Na Nodra i vakaro me baleta na vei draki ni bula cava ga...( Good example ,The Garden of Eden,in the sense of avoiding temptations ,which God had warned Adam and Eve about..eating the forbidden fruit..)..

To answer your question,should we wait for marriage ?......Yes..... Everything that you do in life are all governed by spiritual laws,...Hope this answers your questions,Jokerr...Talatala Jone Nacanieli can enlighten us further on your question......Vinaka vakalevu tale na taro,kei na veitomani mai.....BE BLESSED...JN..

Totoka JN,

Ena vakatau ena draki ni bula eda tu kina , kei na kaukauwa ni gagadre eda vauci tu kina. Eso vei keda e kaukauwa vinaka tu na noda vakabauta ena bula vaka-Lotu i.e. strickly no sex because that is sinful.

That sex has to wait until marriage begins as you are suggesting. Say, like 16 years to 25 is  9 years of waiting. That's too long and a hell of a waiting.

Talking about physiological needs, the human body has basic needs and one of these is sexual reproduction since this is essential to our survival and propagation of humans ( and other species).

Na gagano ni yalo ni tukuna tiko esa tiki tikoga ni veibuli mai ni Kalou, nothing sinful about that. Na noda vakabauta vaka-Lotu e na loma ni Vola Tabu e qai mai wasea walega - keda gagano ena loma ni bula vakawati ena dodonu tiko oya. Ia, keda gagano ( se 'garo' - a stronger term) ena taudaku ni bula vakawati, esa ivalavala ca tiko oya, se vakaevei JN ?

Fact is sexual reproduction is a need for survival and sexual activity is a need for  happy and healthy married life. Vice versa we can define this in the same way.

Dua tale na taro, rau a vakamau beka o Eve kei Adam? I would appreciate if you tell me the exact chapt and verse in Genesis JN ?

Thanx bro .....stay blessed ! 

Totoka, wananavu dina na veiwasei kei na veitaro e so baraca jokerr.  E dolava na matada vakayago, vakayalo...me da raica, na veika titobu baleta na sex se na veiyacovi kei na vei yavutu ka yavutaka ka nakita na Kalou me da rawa ni marautaka o keda na nona i bulibuli talei.

Your question concerning waiting until marriage is too long....we cannot wait, yes we are human beings and the urge towards having sex is very strong...that is very normal.  That is why brother we are openly sharing in this discussion to break our tradition of being silent on the issue.  Me vakatavulici vaka vinaka, yavutaki vaka i vola tabu me ra rawa ni maroroya na yagodra na marama lalai ni bera na vakawati me vaka talega kina o ira na noda cauravou vakarau vakawati.  Tou sa gole tani vakalailai mai na ulutaga ni veitalanoa ia sa okoya tiko taciqu ni levu na veikavivinaka e dolava mai na nomuni taro....totoka.  Io dina taucoko qori taciqu, na gagano e tiki ni veibuli ni Kalou ki na noda dui bula, ia ke da sega ni qarauna e na vakavuna tale mai na vei tovo beci me vaka na kucu (rape), kavoro na bula vaka cauravou se goneyalewa (negative consequences)...so we need biblical and Godly counselling towards the issue of sex to our young people.  Indeed we live in a sex orientated generation....but only Godly Counsel will help guide young people to wait until marriage and to enjoy as God has initially planned.  

Answering to your Adam and Eve question if they were married?  

Genesis Chapter 2...Verses 20 to 25...

But for Adam no suitable helper was found. 21..So the Lord God caused the man to fall into a deep sleep; and while he was sleeping, he took one of the man's ribs and closed up the place with flesh. 22..Then the Lord God made a woman from the rib he had taken out of the man, and he brought her to the man. 23..The man said "This is now bone of my bones and flesh of my flesh; she shall be called woman, for she was taken out of man."

24...For this reason a man will leave his father and mother and be united to his wife, and they shall become one flesh.

25...The man and his wife were both naked, and they felt no shame.

Brother...this is the only place in the bible that joined Adam and Eve together as husband and wife by God Himself...The Creator...

Note:  God gave marriage as a gift to Adam and Eve.  They were created perfect for each other.  Marriage was not just for convenience nor was it brought about by any culture, it was  instituted by God ....

Vinaka vakalevu Bro Jokerr, nuitaki ni sa saumi vakavinaka na nomuni taro....me tomani tikoga na cakacaka vinaka oqo ...sautu tikoga na bula ni veiqaravi mai yasana qori...stay blessed bro...vinaka JN

Vinaka vakalevu brother Joe Nakui ! Stay blessed bro !

Vinaka sara vakalevu na veiwasei enai ulutaga qo ka, sa ka ni vuli vei keda kece, me rawa ni tadola ka basuka nai lati lelevu ni noda bula, ka dolava na matada me da raica e so na ka, ka vaka meda titiro tu kina ena dua nai iloilo buwawa

Au nanuma tiko me oti vakavinaka na veitalanoa enai ulutaga qo ka, meu qai biuta tale yani e dua na lesoni ka vakatokai na Blood Covenant, se veiyalayalati ena dra

Ni sucu mai e dua na gone yalewa, e maroroi tiko mai okoya ena dua na complete package, ka vakauasivi na nona maroroi koya na Kalou, me yaco ena nona matavuvale ni vakawati, me qai laki yaco kina na ka eda vakatoka na VEIYALAYALATI [COVENANT]

Na noda Kalou, e kila ni Kalou ni veiyalayalati, io na veiyalayalati e dau caka ena gauna eliu, e dau caka ena dra, ni gauna e donu kina na veika taucoko, ni cabori yani na dra ki vua na Kalou, ka salavata kei na veika e vakamai, e dau qai ciqoma na Kalou

Ena bula ni vakawati, e reserve taka tiko mai na Kalou, e dua na vanua ena yagodra na marama, me na qai mai vakadinadinataki kina ena mata ni Kalou na nodrau sa veidinadinati e dua na gone marama kei na dua na cauravou, me rau veiyalayalati ena dra

Oya beka e dua na vuna levu, ka dodou meda maroroi keda kina, meda qai yaco na veiyacovi ena loma ni bai ni bula vakawati, baleta tiko na veiyalayalati ena dra

Vei ira na Jiu, ni sa oti na vakawati, ena mataka ni siga ka tarava, era na soqo tale mai na veiwekani, me mai laurai na siti vulavula, erau vakayagataka na veiwatini vou enai matai ni bogi, na bula kei na mate,ena vakatautaki ena dra, ke sega ni kunei na dra, kenai balebale o yalewa, sa soli koya oti ki vua  tale e dua, na kenai totogi, ena vakaviriki me mate

Kevaka e kunei na dra, kenai balebale ni yaco bula okoya kina loma ni nona vale ni vakawati, era na marautaka sara vakalevu na veiwekani

Na naki levu ni dua na marama e sogoti koya tiko mai na Kalou, me qai mai dolavi koya na watini, ka kenai vakadinadina na dra, me rau yalayala kina ena mata ni Kalou, me baleta na bula ni vakawati, na dra oya, ni rau veiyacovi edua na gone tagane kei na dua na gone yalewa, ena teregi rau ruarua na dra, na dra e mai vauca vata na rua me dua, oya beka na vuna e dodonu me maroroi kina na bula, me qai laki caka na veiyacovi ena bula ni vakawati

Na taro e tarogi tiko mai, e dodonu beka me waraki sara meda vakawati me qai laki caka na veiyacovi, sau ni taro, io e dodonu me qai laki caka na veiyaco ni da vakawati

Au vakabauta ni tutu ya dudua sara vei keda, vakabibi vei keda na turaga, me da yaco kece ena noda vuvale, levu ga vei keda, sa veiyacovi tu mai, qai mai caka na vakawati

Sega ni dua na dodonu e tu vei keda,meda mai veisautaka na lawa ni Kalou, meda sa masu ga vakalevu, me solia vei keda na kaukauwa me da tarovi keda kina, eda raica eke na kaukauwa ni livaliva e tiko ena veiyacovi, a basuraka e so na ka vakamareqeti ni noda bula, ka vaka kina na noda qaravi Kalou

Au na qai tovolea meu vakarautaka tale edua na lesoni, me oti mada nai ulutaga qo, ni kalougata saka tiko

RSS

FORUM

Indigenous Landowners Be Warned!! 36 Replies

Started by Maciu Rosima Lomavatu in News Discussions. Last reply by Jo Nawai 4 hours ago.

Last Days! 8 Replies

Started by Amalaini Navakatoga in Spirit and Self. Last reply by Diwalu S .Wi//a 16 hours ago.

Rights Vs Manners 5 Replies

Started by Loi Mateiwai in Relationships. Last reply by Diwalu S .Wi//a 16 hours ago.

Inter Faith - Is It Biblical? 25 Replies

Started by jones barks in World Issues. Last reply by Island Boy yesterday.

Noqu Rai Baleta Na Kena Tarai Vakaukauwa Na Matanitu Ni Noda Vanua..Qo Beka Edua Na Kenai Wali..Noqu Rai. 33 Replies

Started by Emosi nukutabua tukila in World Issues. Last reply by Ratu Jonetani Tavadroka on Sunday.

Sota Yani E Vunitavola ~ Tuki Lose Bar Renovated!!! 13898 Replies

Started by kona in World Issues. Last reply by Mike Oct 17.

People Who Lie Believe They Are Telling The Truth! 14 Replies

Started by anamaria in World Issues. Last reply by Jerex Oct 16.

How Do You Feel When You See Your Karua? 6066 Replies

Started by kona in News Discussions. Last reply by WAHINE Oct 14.

Interview The Person Above You 6014 Replies

Started by kona in Any Other Stuff.... Last reply by Diwalu S .Wi//a Oct 14.

© 2014   Created by Matavuvale Admins.

Badges  |  Report an Issue  |  Terms of Service