E Lewe Levu Sara Na Wekada Lotu Wesele Era Saqata Na Kena Sa Vakatutu Taki Me Sa Vakatabui Na Gunu Yaqona Ena Loma Ni Bai Ni Lotu.

Au vakarogoca toka na kena veitalanoa taki na kena sa vakatutu taki ena bose ni Koniveredi ni Lotu Wesele e Viti kei Rotuma me ra sa vakatabui nai Talatala ena gunu yaqona kei na Kana Tavako ka me sa vakatabui vaka kina na gunu yaqona ena loma ni bai ni lotu se nai tikotiko ni Talatala

E lewe levu sara era saqata na vakasama oqo. Era kaya ni na vakaluluqa taka na veiwekani ni lotu kei na Vanua, ni a sa tu rawa ga na Vanua, a qai muri mai na Lotu. Eso tale era kaya ni gone lailai sara o Nai Talatala na Qase Levu - se na cava e via mai veiveisau taka kina e levu na ka.....

'O au e dua ka'u tokona na vakatutu oqo - au lewe ni lotu ni Wesele, ka'u nanuma ni sa kena gauna me sa veisautaki eso na lawa ni veiqaravi vakaoqo me rawa ni toso cake kina na veiqaravi vakayalo ka dodonu mera mai vakaitavi taki ira kina nai Talatala, I vakatawa se o ira na Qase ni Lotu ena noda vei taba cakacaka.

Na cava na nomuni nanuma??

Views: 7428

Reply to This

Replies to This Discussion

Kivei Tawake. Vinaka vakalevu.

Au vinakata ga vei iko mo rai wavolivoliti iko wavoki ka qai dau muri na noda veidusi i na wekaqu.

Na sova ni yaqona e sega ni qai dua na ka vou.Na yacana vakavalagi na libation ka nanumi ni tekivu mai Ijipita e na gauna makawa sara. E vakayagataki na waini kei na veimataqali gunu kecega ka yaco sara ki na sucu me vaka e ratou dau vakayacora na wekada na Hindu.
Na vuata kece ga e tu qo e Viti e ra sa vakacabora oti vua na nodra veikaloumatakau kecega.

O Jekope e na I Vakatekivu 35:14 e sova tale ga vakakina na gunu e na nona I lokoloko vatu me ka ni nona vakavinavinaka vua na Kalou.
O Jisu mada e gunuva na waini ka veiwaseyaka talega.

E cala beka na kena i vakayagayagataki e na gauna oqo ia e sega ni ca na yaqona. O kemuni sa siviti ira kece na parofita e na I Vola Tabu ka ra dau gunu waini. O Paula mada ga e vakaroti Timoci me gunu waini me tamata bulabula.

O au taleitaka talega na mequ yaqona kei na waini. E tabu ga kevaka e tauri vakasivia. Na kakana tale ga ei valavala ca ke o kana sivia me vakai ira na sigi dau gunu yaqona.

Kevakao dusia na yaqona,ia vakacava na sucu koya e sova tiko Va na matakau ceuceu ka ra sa varewa kuila damudamu tu qo e na so na veisaqata? Qai cabe mai na mata ni siga sa ra qara tu yani kina na kena i taukei. Kena siga na Sunday tou qai lai tomana yani o kedatou i valenilotu. E dodonu tale beka ga me tabu na sucu?Dodonu tale beka ga me tabu na veivuata ra tu qo I Viti? Se vacava?

Koya ni cakava tiko mai qori sa vaka na kena katia na I Apositolo o Paula na gata ka ra sa namaka toka na tiko vata kaya me mate ka qai sega ni mate.


E duatani na ka e kila o Paula ka duatani na ka ra kila ia ra kaya ga ni ra na dina ia ka ra qai raica e muri ni ra sega sara ga ni dina.

Ni qai vosoti au keu sa rui doudou sivia. Ni kalougata tiko.

'@ulaya....DELUDED na vosa au rawa nikaya ena volavola e toka e cake...e lailai na vosa vakaviri me vakamacalataka rawa .

Vinaka Tawake.

Au nanuma me sa tabu tale beka ga na tea baleta e sa vakayagataki tale tiko me nodra sala ni veitaratara ki na vuravura ni yalo. Se vacava?

Me tabu mada ga I liu na sucu baleta da rai tu ga yani sa sova vua na matakau ceuceu vakuila damudamu.Sa sala tiko ni veitaratara talega na sucu.

Na sova yaqona e bau vunitaki toka Tawake.

Me sa vakatabui talega na tea na senikau damudamu se dromodromo kara dau laki biuta tiko na vasu qoka ena nodra vei kalou matakau.

Ni sa bula ,Na vakatutu taki mesa  vakatabui ni gunu yaqona ena Loma ni bai ni Lotu au vakabauta ena vuku ga ni dua na veivakavuvuli ni bula sava2 e lomada ka vakayalo talega, ka okati tiko eke na veiqara2vi vakalotu sai ira nai vakalesi2 keiira nai vakatutu(Tala2, vakatawa.ect). Au vakabauta kau vakadinata ena sega ni dua na kena dre2 me qaravi ga na veiqara2vi vakalotu ena kena gaunisala kece ka veiwaseitaki kina na veika vakayalo ka vakalotu ka gunuvi kina na tea & refreshments ect, ke vaka meda dikeva ka vakasamataka na "Vanua" e tiki tiko ni noda "Lotu" makawa, na" lotu Wesele"qoka e dua lotu ka mai sema kina noda "Lotu" na "Vanua"au kerea meda kua ni vakadewataka vakatani me vaka au tukuna tiko ni "Vanua" e tiki ka sema voleka sara noda Lotu makawa.Ke rawa ke vakayacori ena yalo sava2 ka kua na yalotaro2 se vakatitiqa nisai koya beka qoka na gaunisala dina ka sava2 ka vakayalo? oi keda ga eda na raica ena matavotu na veika vinaka ena vakasucuma mai. Na gunu yaqona au vakabauta ena uasivi meoti vakavinaka na veisoqo vakalotu qai lai caka na gunu yaqona e taudaku ni Lotu, qoka na veiqara2vi vakavanua .ect eke sa mai da veisotari vakaveiwekani Yavusa,mataqali ect. ni orau naka lelevu qoka "Lotu"keina "Vanua". Na gunu "yaqona" e dua na tiki ni noda bula vaka "Vanua" e sega ni ganita me vakayacori ena lomani bai ni "Lotu Wesele" bale2 ni taumada ni salavata tiko mai keina lawa ka maroroi kina na sava2 ni qara2 vua na Kalou ena Loma ni lotu Wesele. Na vailawa qoka e buli nai naki ni bula vakayalo ka meda kua ni vakabibitaka sara na veika vakayago (gunu yaqona).Au vakabauta kevaka eda vakabibitaka ena dua na yasana, ena vakatatiki (unbalanced) ena sega ni vakavatukanataki na veika me vakatorocaketaki kina nai vakatagede2 ni qara2vi ena lomani bai ni Lotu ni se vuqa tu na veileqa(issues)me vakavoutaki ka vukei, e baleta tiko ga na bula vakayalo ka bibi  dina.E vuqa na gauna sada vakamuria na veika sena veilawa ka sada guilecava na noda bula vakayalo io keda yadua. Na veika vakayalo e sega ga ni tiko ena matalotu se lotu cava ga, e toka sara la e Lomada yadua..vinaka saka

Ni bula vinaka kerei ke rawa me vekamacalati taka mai,( qoka veiira na saqata na vakatutu me kua ni gunuvi na yaqona ena loma ni bai ni Lotu), Na cava sara na bale2,  kei na kena vakasama titobu, na kena yaga ena kauta mai ena Lomani bai ni lotu, se cava na veika ena tubera cake na noda bula vakayalo ena lomani bai ni Lotu? Ke vaka me darai lesuva ena veiyabaki sa sivi yani tekivu mai veiira na tubuda 1900 -60s e sega kina na gunu yaqona veiira nai vakaitu2 ni (talatala, vakatawa ect.) ka yaco mai na 70s sa tekivu mesa yaco tiko na veisau sa vakayacori ena veisoqo ena lomani bai ni Lotu ena noda  veivanua vakaTuraga ka tara yani na veikoro lelevu, Na cava ke da taroga nai cava sara nai bale2 titobu eda via taroga, qoka e vica na taro me vakamata2taki ka vakamacala taki.Au vakadina2taka kau vakabauta ena gauna eda voroka kina na lawa, vakaLotu, vakamanitu, vakoro ect. se lawa cava ga ka tuvata na kenai bale2 ka tara na noda bula raraba(vakayalo/vakayago) ena yaco rusa,kavoro, druka ect.ena draki2ta na toso ki liu kena kunei nai wali ni veileqa eda sotava vakavuqa ena gauna vou edai. Au kerea na nomuni veivosoti ke mani baleca eso na vosa e talaucaki tiko yani, qoka na veinanuma ga.E dau talanoa taka na tubuqu Talatala qase vakacegu Rev.Rt Apisai V Bavadra kau dua veiira na makubudra au susugi kau tuberi mai veiira,dau talanoataka na nodra bula nai talatala, na Lotu keina vanua ect. ni gauna sautu,nai vala2 ni qaravi ni Lotu Wesele e ukucavu tu ena veivakavuvuli sava2, ka vakaroko2taki na Kalou ena vei ganisala sava2, sega nira bau gunuva na yaqona ena Lomani bai ni Lotu ka vakatalega ena sei soqo vakavanua ka vakaturaga, era bula2 qarai vinaka na nodrai tavi matavuvale, koro Tikina Yasana.ni sa rui kami2ca na qaravi kalou ka ra vakamuria na veisala sava2 virikotori mai ena Lotu Wesele qai mai sautu ka ra marau tu na leweni vanua(sa iira nai lewe ni vavakoso kara lewe ni vanua..Mai na lotu kina Vanua, mai na Vanua kina lotu erau veitauriliga ka cakavata ka rau muria tiko ga na nodrau i yatu.E na sega ni rawa ni rau tiko vata na Yalo Tabu ni Kalou kei veigagadre vakayago/vakavura2 ena uto(heart)ni tamata(tabu yani) vakabauta ena gauna ni lotu(sokalou)okati tiko ena lomanibai ni Lotu.Ia sa veisau na gauna vata na keinai tovo, sa qai tu vakayadua ga veikeda meda vakatulewataka na noda lako2 kina salatu vua na Kalou.Vinaka saka vakalevu.

Dua qoka da dikeva mada qoka e vakaraitaki rawa2 veikeda eda kila, ka dau gunuva na yaqona, ka dau vakatavako talega (vosota o au sa buita na tavako kau sa sega ni gunu yaqona vakavo keu tiko ena soqo vakavanua vica ga na bilo oti, yala ga ekea) Nida kila ena gauna sa curuma kina na noda i tilo2 ka vakavodoki na yaqona oti se da gunu kara, sega rauta, tubu mai na veivakasama vakavura2(gagano ca,ect) ka tuburi keda na ia vakalala na kuro, tubu mai na wawale ,vucesa via moce, yali na vakasama ni rarama sena bula2(yadra ni vakasama),Ia meda sakasamataka ke da sa lai tiko ena soqo vakalotu ena lomani bai ni lotu, sana yaco ga kina na veika au wasea tiko oya, ena rawa vakacava ni curu mai na liva2 ni yalo tabu(Holy Spirit) nisa vakababa ka vakasugu2 tu ena katuba ni yaloda ka kau2wa ni yaqona . me vaka au cauraka taumada, ni yaqona e tiko na kena i bale2 dina ,vaka2yagataki ena "Vanua" nona (property) ka tiko vata kei na kena liva2(kaukauwa vuni).Meda dikeva vakatulewa matua ena tikina oya Vinaka saka

Au kerea meu semata tale mada la, ni vosota keu sa talimagi2 tiko ena kemuni serau, Sa vinaka .Na veika kece sara e tu vata na kenai bale2 kei na kenai naki, ena matalotu,matatamata,caka2 ect. Ia me lesu tale kina ulutaga Na lotu keina veilawa e buli era vakabauta ni gaunisala dodonu ka sava2 ka veiganiti kina bula vakayalo.Ia keda via vakatau2vata taka, kina veivakavuvuli e vuqa ka ra vakaraitaki wavokiti keda tu. Era muria ka tiko nai bale2 dina kara sa vakadeitaka e lomadra(nodra vakabauta vakayalo) "faith" ka ra sega ni cakava na ka ena lecaika sera vakayacora ena yalodou2 ka vakatara mera buita se okata keina veika eso e sega ni tiki ni ka ni veika vakatabakidua ena dua ga na ka taocoko(eg)Eda lewe ni Lotu kece tiko ia na noda vakatagede2 ni bula vakayalo e lomada e dui2, eso beka e nodra bilo sinai, eso veimama, eso dua nai suvuni ka vuqa e lalamamaca tu na nodra bilo ni ka vakayalo. Eso era vavaku tu ena dau gunu yaqona(ni vosota )e ra lai tiko ena veisoqo lomanibai ni lotu kara gadreva me kau mai na yaqona kina lomani bai ni lotu, kara mai vakayaco lomadra kina( bosoki rua2) part of the vevotion) ia ena drki2kita veiira tale na via solia dina na yalodra vua na kalou (Lotu) vinaka saka.

Sa vunautaki,sa vakamatatataki na leqa ni yaqona ena bula vakayago,vakayalo...Ia sa qai vakatau ga kina noda dui digidigi yadua.

Ia saka,

Emeni, io nai Taukei ni Lotu, na noda Kalou e sega ni gunu yaqona se kana tavako sa dodonu me da vakamuria. O keda saka tabu saka yani na lea tamata, e tu na noda galala ni digidigi cava me da qarava na Kalou se Tevoro. Io eda sa kila noda Kalou, e Kalou savasava, dodonu ka kaukauwa. Me da digitaka yadudua o cei mo soli kina nomu bula, me nomu Kalou, Tui kei nomu Turaga. 

O Viti dau tukuni sa soli oti vua na Kalou ko Jiova, na Kalou ni Isireli. Me da taroga cava eda vaka tui jiko kina na veikoro, rawa ni ra kacivi me rai vakatawa ni vanua. Cava e levu jiko kina na Kalou tani i Viti? Rawa ni vakarusai na Hindu temple, Mosque, lotu Buddha cava tale? Kevaka na lotu sa gole veikoro, me vakarusai na veiyaya ni qaravi tevoro, io eda bobo tiko ki vei ira vulagi qaravi tevoro se kalou tani ena vanua o Viti, e da sa mai lasulasu. Na yaqona na tavako, sega ni tiko na matai ni lawa i tini- Ai matai ni lawa, dou kakua ni qarava tale na Kalou tani. Viti sa vakatara me qaravi kalou tani, sa da kerea tiko ga cudru ni Kalou, io nai totoqi mai Sotoma kei Komora ena talevi Viti, kevaka na Koniveredi me valataka, o Viti edua ga na Kalou e qarava.

RSS

FORUM

Veidigidigi e Viti e na yabaki 2018. 6 Replies

Started by viliame nabobo in World Issues. Last reply by jokerr yesterday.

The Fast Fulfilment of Psalm 83 & the King of the South Prophecy 102 Replies

Started by Ulaya Racua Saidora in World Issues. Last reply by Ulaya Racua Saidora Apr 23.

E Lewe Levu Sara Na Wekada Lotu Wesele Era Saqata Na Kena Sa Vakatutu Taki Me Sa Vakatabui Na Gunu Yaqona Ena Loma Ni Bai Ni Lotu. 191 Replies

Started by Reapi Nayacakalou-Kubunavuravura in World Issues. Last reply by Tevita Bolekinaivalu Masi Apr 23.

Nai Balebale Ni Kuila Na Union Jack. Da Soli Vakasama Mada Ena Tikina Qoka: Sa Dri Yani. 36 Replies

Started by Ratu Sivoriano Masau in World Issues. Last reply by Tevita Bolekinaivalu Masi Apr 23.

British And America in the Bible! 168 Replies

Started by Ulaya Racua Saidora in World Issues. Last reply by Ulaya Racua Saidora Apr 18.

Jesus Did Not Rise From The Dead On Sunday 146 Replies

Started by Ulaya Racua Saidora in News Discussions. Last reply by Ulaya Racua Saidora Apr 16.

How Can Fiji Sevens Team Improve its performance against the two Giant South Africa and Enland. 11 Replies

Started by Tomasi Vakameau in Sports. Last reply by Tomasi Vakameau Apr 11.

Decision Making-Why Is It So Hard To Decide? 2 Replies

Started by anamaria in World Issues. Last reply by THE STIRRER Apr 2.

Who Is This Beast Mentioned In Revelation 13:18? - 666! 227 Replies

Started by UDDY in Spirit and Self. Last reply by Ulaya Racua Saidora Mar 31.

Britain Out Of European Union As Prophesied! 42 Replies

Started by Ulaya Racua Saidora in World Issues. Last reply by Ulaya Racua Saidora Mar 30.

© 2017   Created by Matavuvale Admins.   Powered by

Badges  |  Report an Issue  |  Terms of Service