Viti noqu vanua lomani
Solisoli ni Kalou bula mai lomalagi
Meda bula kina na iTaukei
Kei ira noda kawa era muri mai

Edaidai sa veisau sara
Vulagi eso eda mai bula vata
Rawa oqori ena veiciqomi ni Turaga
Buli na lawa meda sa lewe ni vanua vata

Vuaviri nei Voreqe sa revurevu
Bucini ena lasu, na veibeci e ka levu
Noda Mataivalu e sa veisamu
Ituvatuva ni iTaukei e buturaki sobu

Isa noqu Viti sa solega na butobuto
Kawa iTaukei eda na kawaboko 
Tucake o Rewa ena tawake kei Lomanikoro 
Kubuna, Tovata nomudrau madigi sa koto

Tui Kobuca sa sereki
Veibeitaka lasu mo qaqauraki
Nomuni veiliutaki o Viti e nanamaki
Galala oti, na dina me qai ceburaki

Voreqe e saga me drovaka nona vere
Sinai vua na taqaya kei na rere
Ke via bula, tinia nomu vakabesebese
Cabe kina vanua, kerea kina nomu sere

Noqu serekali sa tini saka mada
Au mositi Viti dina sara
Dina ga ni'u tu vakayawa
Ni drodrovi au tu ga
Dra ni iTaukei e sosoko dina sara.

               ! ! ! ! ! ! Sa Dri Yani ! ! ! ! ! 

Views: 457

Reply to This

Replies to This Discussion

Sa totoka dina na nomu serekali

Sa dodonu sara ga me tomani

Me rawa ni cereki vakavinaka kina na dina

Me da kakua ni qai vakalaiva

 

 

E vuqa nai taukei era sa voli oti

Sa vesuki ira tu na i  vivivi noti

Sai koya ga qoka na e a yaco vei Jiutasa

Taura nai lavo me mate kina na Turaga

 

 

Sa maumau sara na noda Sotia

Dau tukuni ni ra yaloqaqa ka Yalo dina

Sa totolo sara na veisau ni nodra i tovo

E votu mamaca sara ga na nodra kocokoco

 

 

Oti na vuarivi era a yalayala

Me kau ni dua na sotia e nanuma cala

Mo ni na tiko voli ga ena keba mai Nabua

Matai sara ga ni lasu nei Naba Dua.

 

 

Toso tiko na gauna vakavuaviri

Curu tiko mai vakamalua na politiki

Tekivu veisau vakamalua o Bainimarama

Basika cake o Kaiyum kei na nona weli gaga

 

 

Vakatekivu me bokoci e so na lawa

Tekivu vua na Bose Levu VakaTuraga

Tarovi sara ba Bose Ni Koniferedi

Kaburaka mai na ‘NO SCHOOL’ o Leweni.

 

 

Na ulutaga ni sasaga nei Kaiyum na qele ni taukei

E dua vei ira na noda i yau talei

Era sa bubului oti kina na noda qase.

Sa vinakati me ra wasea na maqe

 

 

Tabacakacaka Ni Qele Maroroi sa tekivu yavalati

Yavu ni Vakatulewa sa talaraki

Boko laivi na tikina e maroroi vinaka kina na qele

Ra nanuma na sotia ni donu tiko na veika kece

 

 

Isa ko Viti sa na vakaevei?

Ke sa bokoci na Matanitu i Taukei

Vakaloloma dina ni sa veitokoni kina na Mataivalu

Sa qai so sara na sotia BAKU.

 

Ena qai kuri tale yani.

 

 

Jone kei Siviriano  drau wilika vinaka tale mada na ka ko drau vola ka drau tukuna mada mai se e solia vei kemudrau e dua na yalo vakacegu ? Ke kena I sau na IO , sa donu vinaka . Dau so na gauna e da na dauvakaraitaki keda tiko ga . Sa I koya qori na rarama ni bula kei na vunau vakalotu nei Jone ka drau sa yacova  tu ni kua . Drau kalougata tiko . Sega ni yaga na vakamacala ena vovodea kei na yalowai ni nomudrau rai .

Amani, qori na nomu nanuma ni ko dina ka keimami lasu. HOWEVER, keimami wilika tiko na veika ko vola ka keimami duavata tiko ni ko kemuni sara ga ko ni yalowai. Ko claim-taka ni ko ni ko ni raica tiko na rarama; ke dina na ka ko claim-taka, ko na raica rawa na dina ni ka keirau tukuna tiko. Na nomu sega ni raica rawa tiko na dina ni ka keirau tukuna tiko e vakaraitaka na mataboko, kei na vakamumuri tu ga me vakacegui na gagadre ni tovo vakayago. Na i vosavosa ko tukuna tiko na toso ki liu e dua na political concept, me rawa wale tu ga kina na vosa ka me nanuma na mona ni tamata ni dua na ka dina. E rawa talega ni dua a yavutaki tu ena laba, butako kei kocokoco me qai kena i tukutukuni toka ni sa toso tiko ki liu ka yavutaki tiko ena kena soli tiko na veika era vinakata na lewe ni vanua ni sa tap-taki oti na nodra nature ni kocokoco; ia e i tavi ga ni matanitu na veivakatorocaketaki.

Na neimami vakabauta dina sara na vu ni yaloi keimami ni ko vakamacala lasulasu tiko Amani. Sa tekivu tobo ka sigani mai na duka, lasu, corruption kei na butako. Ena vakacavari vakavinaka me yacova sara na veilewai. I will happen Amani. O cei me na dro rawa mai na dina? Ena basika.

RSS

FORUM

Veidigidigi e Viti e na yabaki 2018. 31 Replies

Started by viliame nabobo in World Issues. Last reply by Ratu Jonetani Tavadroka Feb 12.

Decision Making-Why Is It So Hard To Decide? 8 Replies

Started by anamaria in World Issues. Last reply by Islandgal Aug 27, 2018.

Who Is This Beast Mentioned In Revelation 13:18? - 666! 252 Replies

Started by UDDY in Spirit and Self. Last reply by Ulaya Racua Saidora Jul 2, 2018.

Jesus Did Not Rise From The Dead On Sunday 150 Replies

Started by Ulaya Racua Saidora in News Discussions. Last reply by Ulaya Racua Saidora Jun 21, 2018.

World War III 2 Replies

Started by Ulaya Racua Saidora in World Issues. Last reply by Ulaya Racua Saidora Jun 21, 2018.

Will Iran Succeed in Syria?

Started by Ulaya Racua Saidora in World Issues May 14, 2018.

How Can Fiji Sevens Team Improve its performance against the two Giant South Africa and Enland. 16 Replies

Started by Tomasi Vakameau in Sports. Last reply by Tomasi Vakameau Apr 30, 2018.

What Exactly Is Grace According To The Bible? 100 Replies

Started by Ulaya Racua Saidora in World Issues. Last reply by Ulaya Racua Saidora Apr 28, 2018.

MINING ROYALTY FAIR SHARING MODEL 4 Replies

Started by HON..DE..RAJ in World Issues. Last reply by Tevita Bolekinaivalu Masi Mar 24, 2018.

© 2019   Created by Matavuvale Admins.   Powered by

Badges  |  Report an Issue  |  Terms of Service