Should the church be involved in politics?

 

Views: 1214

Reply to This

Replies to This Discussion

Vinaka vakalevu Simi,

E matata vinaka na veika o vakaraitaka tiko kei na veivakasama mai nai Volatabu o wasea tiko. Au duavata ka’u  vakabauta talega ni noda Kalou e Kalou yalololoma dina ka solia tiko vei keda na kaukauwa meda yalodei nida vakararavi tiko vua.

Au taleitaka na veika o wasea, dina kevaka madaga ke duidui nodaru rai, e sega ni kauta laivi kina na cecere ni Kalou e daru qarava. Daru vakavinavinaka ni sa voleka na Nona lesu mai na Turaga, ka sa dodonu meda vakarautaki keda tiko meda veisotari kaya.

Me’u lesuva mada ga vakalailai eso na ka o vakaraitaka tiko ....(paraphrasing..)

  1. Na toso ni valataki ni dodonu ni tamata yadua, ena dredre kina me muri vakatabakidua nai Volatabu...
  2. Kevaka eda vinakata meda vukei mai vei ira na veimatanitu lelevu era tokona na dodonu ni tamata vakayadudua, ena dredre meda vakamuria vakatabaki dua nai Volatabu....
  3. Eda kila ni taukeni keda na Kalou, ia e dredre meda vaqaqacotaka na bula e vakalou baleta ni veiliutaki tiko e vuravura o Setani ...
  4. Meda masulaka ga me yaco mai na matanitu ni Kalou e me vakayacori kina na lomana e vuravura ....
  5. Meda dui sagai keda vakataki keda, ka laivi ira era veiliutaki mera na qai vakarusai ....
  6. Me tiko vei keda na yalo ni vosota ...

E donu taucoko na vakasama qori. Na veika kece qo, taciqu, ei soqoni tiko ga ni veika era sa cauraka tiko mai o ira era sega ni dua vata na kena vakacokotaki vata se cici vata na Lotu kei na Matanitu. Ia, au sega ni duavata vata kei na veivakasama oqori.

Na vuna qo:

  1. Vei keda na luve i Viti, eda vakatokai keda meda sa qarava na Kalou levu ko Jiova ka da sa kacivi meda Nona ka tawasei vua, na cava na vuna eda sega ni rawa ni tutaka kina na dina ni Vosa ni Kalou ka yavutaka na noda matanitu me matanitu lotu Vakarisito? O keda eda i taukei ni vanua o Viti ka sa tiko talega vei keda na vuku kei na matua ni bula ka rawa nida liutaka kina vakavinaka na noda vanua. Na “advantage” e tiko vei keda na luve ni Kalou, ni vakatauvatani kei ira na kena vo, ya ni o keda e tiko tale e dua na lawa eda okati kina – na Vosa bula ni Kalou. Eda taukena tu na kaukauwa (power) kei na lewa (authority) ni Vosa ni Kalou, ia na leqa gona qo..... ni da vakamatabokotaki tu kina mai vua na Vu-ni-ca. E nai vakatekivu, na Kalou e a sa solia tu vei keda na kaukauwa meda “vakatulewa” e vuravura. Ni sa mai luvata laivi o Jisu na matavulo eda vakadaramakitaki tu kina mai vei Setani, e sa dodonu kina vei keda meda tu cake ena Vosa ni Kalou ka sega ni mai bula gogo tale tiko ka lokomi tiko ena veika kecega e biuta mai e matada na Vu-ni-ca. Meda kila ni sa nodai to ko Jiova. Nida sa tucake ena Nona Vosa, ena vakayacora o Koya. Do not be intimidated!

Vosoti au, me na qai kuri tale yani ... (me vakaleleka ga)

Warumisa taciqu, vinaka vakalevu na veiwasei.Ni kalougata tiko. Vinaka vakalevu,vinaka vakalevu!

Kenai kuri ....vakalekaleka...

2. Kevaka eda yavutaka na noda Lawa Buli ena vakasama vakaivolatabu, sega ni kainaki me vakayagataki na Lawa mai nai Volatabu, ...... na kena vakayagataki na veivakasama vakaivolatabu me i dusidusi ni kena buli na veilawa eso ni matanitu, ena sega ni dua tale na matanitu E VURAVURA me rawa ni veisautaka - baleta ni o Viti e Matanitu tu vakataki koya - a sovereign nation. O Amerika se o Ositerelia se o Igiladi, era na sega ni rawa ni ra na veisautaka kina e dua na ka - ia, era na rokova ga ni sa lawa tiko ni matanitu.

E dua ga na kenai vakaraitaki rawarawa sara au a kaya oti e liu, oya na kena curumaki mai ena Lawa Buli ni Matanitu na "Secular State". Na cava na vuna e biu mai kina? Me rawarawa ga kina vua ka sa vinakata tiko qo me gutuva vakadua mai vei keda na kawa i Taukei na noda yavu ni vakabauta vakarisito ka me vagalui keda meda kua ni vunautaka vakadodonu na Vosa ni Kalou.

O koya ya na vuna talega e sa mai vakacurumi tale tikoga kina na veivakasama ni vakarau ni bula tawakilikili ka da vakatabuya na lotu vakarisito, me sa vakatarai. (Au na qai kuria tale na vakasama oya kevaka eso era na via taroga kina e dua na ka...)

E bula tiko na noda Kalou. E sega ni ka lasutaki ka sega talega ni matakau. Nai valavala ni bula sei vakarau ni bula era na bulataka na lewei Viti, ena vakatau sara tikoga mai na veika e vakatara na Matanitu ka virikotori ena noda Lawa Buli kei na noda bula ni qaravi Kalou yadudua.

Nida yavutaka na noda Matanitu ena yavu e vakalou, na Kalou vakataki Koya ena vakalougatataka ka vakasaututaka na noda vanua. Oya na ka e dodonu me dei vei keda. E sega tale nida mai nanamaki tiko kina - na Kalou ena vakayacora saraga na Nona Vosa ....(2 Chronicles 7:14).

Meda kua ni yalana na kaukauwa kei na rabailevu ni veika e rawa ni vakayacora na noda Kalou. Noda rai e lekaleka ka somidi. Meda kalawa yani, ena qai vakayacoka na Kalou. Eda na bula vata kei ira era "vakavuravura" tu ga (ungodly, worldly), ia na yavu ni veika kece sara vakamatanitu - ka wili kina na veiwekani kei ira na veimatanitu tale eso, ena qai vakacokotaka vinaka na noda Kalou. (Isaiah 64:4)

(.....me qai kuri tale...)

(Tinitini....3,4,5,6)

Au sega ni vakabauta ni veiliutaki tiko e vuravura o Setani. Meda kua ni vakacalai ena vakasama qo.

Na vuravura qo e solia vei keda na Kalou meda lewa ka meda vakalevutaki keda kina. E solia talega vei keda na Kalou na vuku kei na yalomatua meda vakayacora kina na noda digidigi ena veika kece sara e vakalou meda bula vinaka kina e na vuravura qo.

O Setani e yalo ka bula tu vakailoa ena vuravura qo. He is an illegal resident on this Earth. O koya madaga ena vaqara tale e dua na "yago' vakatamata me curuma me rawa ni vakaraitaki koya kina. Na veivakacalai kei na veidabui e nona veitavioka. O keda sara ga na tamata eda vakatikitikitaka tiko na Kalou kei na Nona Vosa ka da malele vakalevu ena veika e "tuvana e matada" me rawa kina na lomana.

(Me vaka e a via vakayacora vei Jisu ni oti mai na Nona lolo 40 na siga 40 na bogi).E sega ni ka vou.

Nona gauna ni veiliutaki ena qai tekivu ni sa "kau tani nai soqosoqo lotu" ni bera na gauna ni veivakararawataki levu e vuravura me vaka e kaya tiko na Vosa ni Kalou.

Meda vakavukui ga meda kila tiko ni tiko vei keda na vuku, na kaukauwa kei na lewa e vakalou meda liutaka kina na noda vanua - e sa nuitaki keda tu kina na noda Kalou.

Noda Viti e solia vei keda na noda Kalou. E rawa nida veiliutaki kina na luve ni Kalou!

vinaka. 

RSS

FORUM

SA LALA DINA NA KORO QO - DID FACEBOOK KILLED MATAVUVALE? 12 Replies

Started by NiteDrox in News Discussions. Last reply by Mike Dec 27, 2019.

Decision Making-Why Is It So Hard To Decide? 9 Replies

Started by anamaria in World Issues. Last reply by Ratu Jonetani Tavadroka Sep 2, 2019.

Veidigidigi e Viti e na yabaki 2018. 31 Replies

Started by viliame nabobo in World Issues. Last reply by Ratu Jonetani Tavadroka Feb 12, 2019.

Who Is This Beast Mentioned In Revelation 13:18? - 666! 252 Replies

Started by UDDY in Spirit and Self. Last reply by Ulaya Racua Saidora Jul 2, 2018.

Jesus Did Not Rise From The Dead On Sunday 150 Replies

Started by Ulaya Racua Saidora in News Discussions. Last reply by Ulaya Racua Saidora Jun 21, 2018.

World War III 2 Replies

Started by Ulaya Racua Saidora in World Issues. Last reply by Ulaya Racua Saidora Jun 21, 2018.

Will Iran Succeed in Syria?

Started by Ulaya Racua Saidora in World Issues May 14, 2018.

How Can Fiji Sevens Team Improve its performance against the two Giant South Africa and Enland. 16 Replies

Started by Tomasi Vakameau in Sports. Last reply by Tomasi Vakameau Apr 30, 2018.

© 2020   Created by Matavuvale Admins.   Powered by

Badges  |  Report an Issue  |  Terms of Service