YASANA O TAILEVU

BAU

Bau
Bau, Soso, Lasakau, Namuka, Nakoroivau
Kubuna na Tui Kaba na Vunivalu

Viwa, Ovea, Vatoa, Waicoka, Cautata, Vatani, Dromuna
Turaga na Roko Tui Viwa

Kiuva, Muanaira, Naqeledamu, Logani, Natila
Natena na Roko Tui Kiuva

Namara
Naisausau, Nakorolevu, Matamaivere, Tubalevu, Naikawaga, Nakalawaca
Turaga na Roko Tui Veikau

Nausori
Nausori, Vunimono, Nadali, Verata-wailevu, Naduru, Molituva, Namono
Na Turaga na Ratu

Dravo
Dravo, Naisogovau, Naila, Mokani, Maumi
Navitomi na Turaga na Tudrau

Namata
Raralevu, Namata
Nacobua na Turaga na Roko Tui Namata


NAKELO

Nakelo
Nauluvatu, Namuka-Vakali, Visama, Tumavia, Muana, Naluna, Vutuvo, Waikete, Naimalovau, Vaturua, Nasilai, Nakualevu, Anitioki, Kelili, Nukulau, Vunivaivai, Vadrai
Rara o Nakelo na Turaga na Tui Nakelo

Nuku
Natogadravu, Naselai, Natoveya
Turaga na Tui Nabou

Tokatoka
Nabitu, Vuci, Draubuta, Lomainasau, Vanuadina, Nakaile, Vanualevu
Naceruku na Turaga na Tora Dreketi

Buretu
Buretu, Matainoco, Nabouciwa, Naivakacau, Daku
Naibati na Turaga na Tora Naibati


VERATA

Verata
Ucunivanua, Naloto, Naivuruvuru, Navunimono, Sawa, Kumi, Naigani, Uluiloli
Naisanokonoko na Turaga na Ratu

Namalata
Matacaucau, Matacula, Nailega, Nakorovou, Veinuqa, Naitutu, Navunisole, Nakalawaca, Delasui, Nayawasara, Davetalevu
Waimarolevulevu na Turaga na Ratu

Tai
Dravuni, Naisaumua, Naiborebore
Turaga na Roko Tui Tai

Vugalei
Natobuniqio, Namulomulo, Nadaro, Sote, Visa, Savu, Naimasimasi
Vunisalevu na Turaga na Tui Vugalei

Taivugalei
Natuva, Nameka, Vatukarasa, Tonia
Burerua na Turaga na Vunivalu


SAWAKASA
Sawakasa
Sawakasa No.1, Sawakasa No. 2, Burerua, Dakuinuku, Lodoni, Vorovoro
Nadereivalu na Turaga na Ratu

Namena
Nburenivalu, Nananu, Bureevu, Lawaki, Qoma, Qelekuro, Nabualau, Delaikuku, Nadrano
Nawainovo na Tui Wainovo

Dawasamu
Driti, Delakado, Luvunavuaka, Nataleira, Silana, Nasinu, Nabualau, Delasui, Natadrave
Dawasamu na Turaga na Ratu


WAINIBUKA

Naloto
Naivicula, Naveicovatu, Nasau
Naloto na Turaga na Tui Naloto

Wailotua
Wailotua No. 2, Nalabe, Natokalau, Wailotua No. 1
Wailevu na Turaga na Tui Wailevu

Nasautoka
Nasautoka, Nabouva
Turaga Sau na Vunivalu

Nayavu
Nayavu, Naqia, Naseibitu, Namoka, Naveiveiwali, Natuvatuvavatu
Bau na Roko Tui Bau

Nailega
Naibita, Nailega, Wailevu, Nabulini, Manu
Naduadua na Turaga na Vunivalu

Views: 14003

Replies to This Discussion

Ai cavjti mai Bau : Turaga na Vunivalu na Tui Kaba ka sega ni dodonu me liu tiko na Tui Kaba na Vunivalu
Na Vunivalu e dodonu me na liu tikoga ka ni oqo nai nai tutu era vakagunuvi kina na gone turaga bale mai Kubuna, me vakataka na Gone Turaga na Tui Nayau qai cavuti toka e muri na Tui Lau, ka ni Tui Lau e i tutu soli,Ena gauna e a Tui Nayau tiko kina na Turaga Tui Nayau o Ratu Tevita Uluilakeba ea taura tiko kina o Ratu Sir Lala Sukuna nai tutu vaka Tui Lau. O Ratu Sir Kamisese Mara e a qai mai taura tolutolu nai tutu taucoko vaka Tui Nayau, Tui Lau ka sau ni vanua ko Lau. Io mai Bau, na Tui Kaba e yacani i Mataqali ka vauca koto e vica nai Tokatoka ka nodrai liuliu vakadua na Turaga Bale na Vunivalu.
dina taucko Ana..

vinaka vakalevu na veivakadodonutaki...

kerei saka tikoga yani..ke so tale beka na ka koni kila ena nodatou yasana kerei la qai wasea mai..so nai tukutuku makawa..ect ect

vinaka saka vakalevu..
vinaka queen
Bula vinaka Ana...Rairai vinaka nai taba.Turaga na Tui Kaba na Vunivalu e sega ni i cavuti kei Bau.Oqori nai cavuti kedra na Gone turaga na Vunivalu ga,e Mataiwelagi.na vuna oqo;O koya sa Tui Kaba tiko mai qai mai ravuti Bau....Dodonu meda vakamatata taka tiko vei ira na luveda nai tukutuku.Vaka turaga vei ira na Gone Turaga na Tui Kaba na Vunivalu.Na nodra ibe mada ga ni loma ni vale era dau talia na budra mai Kaba..vakatokai na ibe ni kaba ka vica tiko na kena mataqali....Meu tinia;na Nodra i yaya ni vei buli e tiko ga mai Kaba.
vinaka nai takitaki Vili....totoka
Vinaka vakalevu Yabakidrau........totoka.
Au vaka vinavinaka taka nai cavuti ni vanua o NAIBATI(BURETU) sa tokatoka dina na ka au wilika,ia dua ga noqu taro o ni taura beka mai vei nai vaka macala e toka qori,au sega ni vaka cala,au na qai va kuria tale yani dua na siga me baleta na koro o NAIVAKACAU.Meu yala toka mada eke,au nuitaka ni da na vei taratara tiko,ena vukui TAILEVU,ke warai na SAQA au na STROLL tu ga ia meu yaco ga ki keya,SA DRI YANI.
Dou se bula tiko beka ena daku ni kuila!

Na tikina o vakaraitaka mai 'qori e a sa veisau makawa ena kena sa qai liyaci na kena CALA. E sega ni dabe ena rukui Nakelo o NAIBATI. Keitou e dua na Tikina vakataki keitou. Au sega ni na vosa ena vukudratou na wekaqu mai Tokatoka. Qai o taro yani veiratou.
Dou sa bula saka na Turaga kei na Marama, nai vakamacala se i tuvatuva ka koto oqo e cake au vakabauta nia rairai vakarautaka ko Qasenivuli Vakacegu Semi Seruvakula. Au sa dau raica talega ni biu koto e na dua na website kau dau saga voli me dua na sala meu vakadodonu taka kina na nodratou mai biu koto na noqu Koro o Cautata kei na vica tale na koro e na rukuni koro ko Viwa. Au se sega mada ni se bau rogoca vakadua e na dua na gauna ni vaka kina. Na ka ga au kila ni ko Viwa kei ratou kece na koro oqo e ratou lewe ni Tikina makawa o Bau ka ratou wili kece ga vakadodonu ki Bau.

Na Tikina e dua na ka era qai mai bulia koso ga na kaivalagi e na gauna vaka Koloni ia e ra saga me ra mai kumukumuni se biu vata e na dua na tikina na veikoro kece e na dua na vanua makawa ke da raica na Tikina makawa o Bau e via dua sara toka na tikina levu e Viti na vuku ni koro e ra vakarurugi koto kina ka wili me nodra Turaga i Taukei na Turaga na Vunivalu.

Ea a qai mai yaco e na 1960s me sa vakalevu taki na Tikina ka sa qai mai biuta sara na veilecayakivei keda ni mai yali kina na Tikina Makawa. Oqo e na gauna ka mai boko kina na Fijian Administration. Ia e da vakavimavinaka ni sa da lesu tale kina tikina makawa ka sa bau via kauti keda vakavoleka lesu sara tale kina noda i tuvatuva ga vakavanua.

Sai ratou oqo na vei koro/yavusa e ra lewe ni tikina makawa o Bau ka sa biu tale koto ga yani oqori na nodra dui matanikatuba ki Bau:

KORO VEILIUTAKI CAVUTI MATANIKATUBA
Bau Vunivalu Kubuna
Lasakau Taukei Nadrakuta Nabou/Bai kei Bau
Soso Tunidau Rara o Soso
Cautata Roko Tui Cautata Koronikalou Na Vusaradave
Dromuna Na Malo Naitodua Tavunasici
Kiuva Roko Tui Kiuva Natena Sotakoro
Muanaira Takalaikiuva Tabukasivi Sotakoro
Namuka Rokotakala
Nakoroivau Na Malo Matanacika Vunilagakali
Natila Kaibatiki Sotakoro
Ovea Matanibulu Nabaubau
Vatani Na Malo Naitodua Tavunasici
Vatoa Na Malo Davetalevu Tavunasici
Viwa Roko Tui Viwa Nayaumunu Natagi
Waicoka Na Malo Nakorolevu Tavunasici

E tiko sara talega na Matanitu o Bau ka sai ira na vei Koro oqo e ra cola nai wau nei Kubuna ka radau kacivi me ra laki boseka ni bera ni vakatau e dua na lewa me baleti Bau me yacova mai n siga edaidai:

Bau, Buretu, Cautata, Dravo, Kiuva, Namata, Namara, Nausori, Viwa.

Ke dua na i vakamacala e cala au kerea na nomuni veivosoti. Ia ke ko ni vinakata me biu yani na vei tikina makawa tale eso e Tailevu, sa na ka ni marau vei au meu na qai vakaikuri taka tiko yani vakamalua e na veimacawa.

Usaia Pita Waqatairewa.
Na nomuni tokani mai Cautata e na Yavusa o Koronilakou.
totoka Pita....

vinaka....
Ni Bula vinaka Nacanieli,

Au vakavinavinaka vakalevu e na ka o ni vakaraitaka koto e cake. Io sa dina me vaka ga au biuta koto ni "tikina" e dua na ka e ra qai mai bulia koso ga na kaivalagi e na gauna vaka koloni.

E matatavinaka tu vei au na ka ko ni kaya tiko, au dusia wale tikoga na cala ni ka e tuvani koto e cake ka mai biuta vata o Qasenivuli vakacegu Semi Seruvakula.

Au kila vinaka taletuga na nodatou veiwekani kau nomudou matanikatuba mai Nayaumuni ni dou cabe mai Koronikalou. Kau dau kaci tamaqu vua na Turaga Vuniwai mai Lautoka.

E dina vinaka na ka o ni tukuna tiko me baleta na nodra rawa ni tiko e so e na bose vanua ia era sega ga ni dau vosa ka da sa kila vinaka sara tu ga oqori.

Vinaka,
Ia au kila vinaka na gauna ni veibuli baleta keitou a gole yani kina na lai yadra. Eya tiko talega e na lomani Vatanitawake na Qase e vale e na siga koya ka qai mai talanoa taka vakacaca ga na nona sarava na veibuli.

Ia me baleta na coqai ni vuaviri, au vakabauta e na guna oqo meda sa raica ga na dina, dodonu kei na savasava ka da tutaka sara vakaukauwa. Au bau kalougata niu a vukevuke ni Director koto e na Fiji Human Rights Commission ka Proceedings Commissioner na Gone Turaga na Roko Tui Bau. Au mai vuli sara vakalevu e na nodrai vakarau ni bula kei nai valavala. Kau vakavinavinaka ni kerau bau mai veiqaravi vata kau dau taroga sara vakalevu vei ira na taro kau ciqiciqo vakalevu e na veika era dau wasei kei na nodra rai yawa kei na savsava ni nodra rai e naveigauna taucoko (integrity). E dua talega nodrai yau talei na veimaroroi (understanding & protective).

Ni na raica ga nodra cakacaka dodonu ni coqa na vuaviri ni 1987, 2000, kei na 2006 ka dina ka matata tu vei ira na nodra gaunisala vakacakacaka ka ra kacivi kina me ra dau ni lawa ka tutaka vakadodonu e na veigauna na ka era sa bubuliu kina mera taqomaka na maroroi ni lawa ni Vanua.

RSS

Discussion Forum

AI CAVUTI VAKA VANUA E TAILEVU 44 Replies

Started by THUMBS UP. Last reply by Mosese Nov 23, 2015.

E da Kawa mai vei na kai Tailevu? 32 Replies

Started by Josy Sausauwai. Last reply by Niki Mar 5, 2015.

HISTORY TITLE OF THE VUNIVALU NA TUI KABA 22 Replies

Started by THUMBS UP. Last reply by Ratu Sivoriano Masau Nov 19, 2014.

push tailevu

Started by Josa Naisogolali Oct 29, 2011.

VEITABA MAKAWA 8 Replies

Started by THUMBS UP. Last reply by Vilimone Baleilevuka Feb 4, 2011.

Talanoa: NA TABU NI VANUA O CAKAUDROVE E BAU :

Started by THUMBS UP Feb 1, 2011.

e dina kece.....mate ga e tai... lef...oohohhh!!!! 1 Reply

Started by PUSH...TAKA. Last reply by PUSH...TAKA Mar 26, 2010.

© 2019   Created by Matavuvale Admins.   Powered by

Badges  |  Report an Issue  |  Terms of Service